ડૉ. મિહિર દવેની સફળ કામગીરી: જટિલ પ્રસૂતિમાં ત્રિપુત્ર જન્મ
જનતા હોસ્પિટલમાં ત્રણ બાળકોનો સફળ જન્મ-માતા અને નવજાતો સ્વસ્થ.
જનતા હોસ્પિટલ, પાટણ ખાતે ત્રિપુત્ર જન્મનો સફળ અને જટિલ કેસ-માતા અને ત્રણેય બાળકો સ્વસ્થ.
કેપિટલ મેસેજ, ન્યુઝ
Capital message
પાટણ શહેરની અગ્રણી આરોગ્ય સંસ્થા જનતા હોસ્પિટલ ખાતે તા. 07/05/2026 ના રોજ એક દુર્લભ અને જટિલ પ્રસૂતિનો સફળતાપૂર્વક નિરાકરણ કરવામાં આવ્યો હતો.
હોસ્પિટલમાં પ્રસૂતિ માટે દાખલ કરાયેલ એક ગર્ભવતી મહિલાએ એક સાથે ત્રણ સંતાનોને જન્મ આપ્યો હતો.
આ જટિલ કેસમાં જનતા હોસ્પિટલના જાણીતા ગાયનેકોલોજિસ્ટ ડૉ. મિહિર દવે અને તેમની તબીબી ટીમ દ્વારા અત્યંત કુશળતા, સાવચેતી અને સઘન દેખરેખ સાથે સફળ ઓપરેશન કરવામાં આવ્યું હતું.
ડિલિવરી બાદ જન્મેલા ત્રણેય નવજાત બાળકો સંપૂર્ણપણે સલામત, તંદુરસ્ત અને સ્વસ્થ છે. સાથે સાથે માતાની તબિયત પણ સારી રહી છે અને હાલમાં માતા તથા બાળકો સંપૂર્ણ આરોગ્ય સાથે હોસ્પિટલની દેખરેખ હેઠળ સુખાકારી અનુભવી રહ્યા છે.
ત્રણ બાળકોના જન્મ જેવા ઉચ્ચ જોખમવાળા અને જટિલ કેસમાં મળેલી આ સફળતા જનતા હોસ્પિટલ તથા ડૉ. મિહિર દવેની તબીબી કુશળતા, અનુભવ અને દર્દી પ્રત્યેની પ્રતિબદ્ધતાનું ઉત્તમ ઉદાહરણ છે.
જનતા હોસ્પિટલ સતત આધુનિક તબીબી સુવિધાઓ, અનુભવી તબીબો અને ગુણવત્તાસભર આરોગ્ય સેવાઓ દ્વારા દર્દીઓની સેવા માટે કાર્યરત છે. આ સફળ પ્રસંગે હોસ્પિટલના તબીબી સ્ટાફ, નર્સિંગ ટીમ અને તમામ સહયોગીઓએ મહત્વપૂર્ણ યોગદાન આપ્યું હતું.
આ પ્રસંગ જનતા હોસ્પિટલ માટે ગૌરવની બાબત બની રહ્યો છે અને આરોગ્ય ક્ષેત્રમાં હોસ્પિટલ દ્વારા વધુ એક ઉત્તમ
સિદ્ધિ નોંધાઈ છે.
