સમી તાલુકા પંચાયતમાં ભાજપનો દબદબો મજબૂત, રાધનપુર બાદ વધુ એક બેઠક બિનહરીફ કબજે
કોંગ્રેસ ઉમેદવારૉએ ફોર્મ પરત ખેંચતા ભાજપને સીધો લાભ, ચૂંટણીમાં એકતરફી સ્થિતિ સર્જાઈ
રાધનપુરમા છાણીયાથર- ભીલોટ બાદ સમીમા વેડ તાલુકા પંચાયત મળી કુલ 3 બેઠકોમા ભાજપને સીધો લાભ – બિનહરીફ થઇ જાહેર..
કેપિટલ મેસેજ, ન્યુઝ
પાટણ જિલ્લામાં સ્થાનિક સ્વરાજ્યની ચૂંટણી વચ્ચે સમી તાલુકા પંચાયતમાં ભાજપનો દબદબો સતત મજબૂત બનતો જોવા મળી રહ્યો છે. રાધનપુર બાદ હવે સમી તાલુકા પંચાયતની વધુ એક બેઠક ભાજપે બિનહરીફ કબજે કરી છે, જેને લઈને રાજકીય વર્તુળોમાં ભારે ચર્ચા જગાઈ છે.
સમી તાલુકાની 17 વેડ તાલુકા પંચાયત સીટ પર ભાજપના ઉમેદવાર પસીબેન અનિલભાઈ હેરમાં બિનહરીફ વિજય જાહેર કરવામાં આવ્યા છે. આ બેઠક પર કોંગ્રેસ તરફથી ઉમેદવારી નોંધાવનાર ધરતીબેન લવિંગભાઈ ઠાકોરે અંતિમ ક્ષણે પોતાનું ઉમેદવારી ફોર્મ પરત ખેંચતા ચૂંટણીમાં એકતરફી સ્થિતિ ઉભી થઈ હતી.
રાધનપુરમા છાણીયાથર- ભીલોટ બાદ સમીમા વેડ તાલુકા પંચાયત મળી કુલ 3 બેઠકોમા ભાજપને સીધો લાભ થયો છૅ ભાજપ બિનહરીફ જાહેર.કોંગ્રેસના આ પગલાને કારણે ભાજપને સીધો રાજકીય લાભ મળ્યો હોવાનું માનવામાં આવી રહ્યું છે. ચૂંટણી પ્રક્રિયામાં વિપક્ષની નબળી સ્થિતિ ભાજપ માટે લાભદાયક સાબિત થઈ છે અને તાલુકા સ્તરે ભાજપનો પ્રભાવ વધુ મજબૂત બન્યો છે.
સ્થાનિક સ્વરાજ્યની ચૂંટણીમાં સતત મળતા બિનહરીફ વિજયો ભાજપ માટે રાજકીય રીતે સકારાત્મક સંકેત માનવામાં આવી રહ્યા છે. સમી સહિત સમગ્ર વિસ્તારમાં ભાજપનો વધતો દબદબો હવે ચર્ચાનો વિષય બન્યો છે અને આવનારા પરિણામો માટે મહત્વપૂર્ણ સંકેતો આપી રહ્યો છે.
બિનહરીફ સીટ ઉમેદવાર :
1.) રાધનપુરની છાણીયાથર તાલુકા પંચાયત બેઠક ભગીબેન હરેશભાઈ આહીર – બિનહરીફ
2.) રાધનપુરની ભીલોટ તાલુકા પંચાયત બેઠક
More Read
ઓખાબેન માદેવભાઈ રબારી – બિનહરીફ
3.) સમી તાલુકાની 17 વેડ તાલુકા પંચાયત સીટ
પસીબેન અનિલભાઈ હેરમાં- બિનહરીફ
રિપોર્ટ : અનિલ રામાનુજ, રાધનપુર, પાટણ
