અમીરપુરા આંગણવાડી બાંધકામમાં બેદરકારીનો પર્દાફાશ, નબળી ગુણવત્તા પર ઊઠ્યા ગંભીર સવાલો
સિમેન્ટ કામ હાથથી ઘસાતું ઉતરે, કંપાઉન્ડમાં ગંદકી – કોન્ટ્રાકટરની મનમાની અને અધિકારીઓની મીલીભગત બાળકો નુ ભવિષ્ય અંધારામાં…
બાંધકામમા લેવાતું મટેરીયલ નબળું અને હાલકી ગુણવતાનુ દેખાતું હોવા સાથે ધોરણોનું પાલન શંકાસ્પદ – ઉચ્ચ કક્ષાએ તપાસ બની જરૂરી
કેપિટલ મેસેજ, ન્યુઝ
રાધનપુર તાલુકાના અમીરપુરા ગામે આંગણવાડીના બાંધકામમાં ચોંકાવનારી બેદરકારીના દૃશ્યો સામે આવ્યા છે, જ્યાં સ્થળ પર ચાલી રહેલા કામમાં ગુણવત્તા અને નિર્ધારિત માપદંડોને લઈ ગંભીર સવાલો ઊભા થયા છે. બાંધકામમાં ઉપયોગમાં લેવાતું મટેરીયલ નબળું દેખાતું હોવા સાથે ધોરણોનું પાલન શંકાસ્પદ જણાઈ રહ્યું છે. ખાસ કરીને સિમેન્ટનો પૂરતો અને યોગ્ય ઉપયોગ ન થતો હોવાનો સ્પષ્ટ સંકેત મળ્યો છે, જેના કારણે બાંધકામ અત્યંત હલકું દેખાઈ રહ્યું છે.
સ્થળ પર એવી પરિસ્થિતિ જોવા મળી કે આંગળીના ટેરવાથી ઘસતા જ સિમેન્ટ ઉતરી જાય છે, જે કામની ગુણવત્તા અંગે ગંભીર પ્રશ્નો ઊભા કરે છે. એટલું જ નહીં, કંપાઉન્ડ વિસ્તારમાં કચરો અને ગંદકી જોવા મળતા સ્વચ્છતા અને સુરક્ષા બાબતે પણ ખામી સ્પષ્ટ થઈ રહી છે. તકનિકી નિયમો અને સુરક્ષા માર્ગદર્શિકાનું પૂરતું પાલન થતું નથી, જ્યારે કામગીરીમાં પારદર્શિતાનો અભાવ અને દેખરેખ નબળી હોવાની સ્થિતિ સામે આવી છે.
આ બાંધકામની હાલતને કારણે ભવિષ્યમાં સલામતી પર ગંભીર અસર પડવાની શક્યતા નકારી શકાય તેમ નથી. જવાબદાર તંત્રની મોનીટરીંગ અને ગુણવત્તા ચકાસણી પ્રત્યે ઉદાસીનતા સામે સવાલો ઉઠી રહ્યા છે, કામમાં ગેર રીતિ સાથેજ ઇંટ્ટો પણ ખાર વાળી જણાઈ આવી છૅ સાથેજ કરેલા કામમાં તમામ જગ્યાએ ઉપર એમજ પળ ચડાવવામાં આવ્યું છૅ જરૂરી સિમેન્ટ નો ઉપયોગ થયો નથી.તેમજ અધિકારીઓની રહેમ નજર હેઠળ કોન્ટ્રાકટર દ્વારા મનમાની ચાલતી હોવાના સંકેતો પણ સામે આવી રહ્યા છે. કોન્ટ્રાકટર અને અધિકારીઓ વચ્ચે સંભવિત મીલીભગત અંગે ચર્ચાઓ તેજ બની રહી છે, જેના કારણે આંગણવાડીના નાના બાળકોના ભવિષ્યને લઈને ચિંતા વધુ ઊંડી બની રહી છે.વર્તમાન પરિસ્થિતિને ધ્યાનમાં રાખીને તંત્ર દ્વારા વહેલી તકે ઉચ્ચ સ્તરે કડક તપાસ હાથ ધરી ગુણવત્તા નિયંત્રણ સુનિશ્ચિત કરવું અત્યંત જરૂરી બની ગયું છે. જો કામમાં નિષ્પક્ષ તપાસ થાય તો અનેક ગેરરીરી બહાર આવશે તેમજ જવાબદાર વિરુદ્ધ કાયદેસર કાર્યવાહીની માંગ સાથેજ નિયમોઅનુસાર ફરી આ કામગીરી કરવામાં આવે તેવી માંગ ઊઠી છૅ.
રિપોર્ટ : અનિલ રામાનુજ, રાધનપુર (પાટણ)
