ડભોઇ વેગા સર્કલ પર સાઇનબોર્ડનો અભાવ, સ્ટેચ્યુ ઓફ યુનિટી જતા પ્રવાસીઓ અટવાય
ડભોઇ વેગા સર્કલ પર ‘સાઇન બોર્ડ’નો અભાવ સ્ટેચ્યુ ઓફ યુનિટી જતાં પ્રવાસીઓ રસ્તો ભટકાયા માર્ગ અને મકાન વિભાગની ઘોર બેદરકારી;
કેપિટલ મેસેજ, ન્યુઝ
Capital message
દિશા સૂચક બોર્ડ ન હોવાથી મુસાફરો બોડેલીના રસ્તે ચડી જતાં ભારે હાલાકી
ડભોઇ:વિશ્વની સૌથી ઊંચી પ્રતિમા ‘સ્ટેચ્યુ ઓફ યુનિટી’ને જોડતા મુખ્ય માર્ગ પર આવેલા ડભોઇના વેગા સર્કલ પર તંત્રની મોટી લાપરવાહી સામે આવી છે. આ મહત્વના જંક્શન પર દિશા સૂચક બોર્ડ લગાવવામાં ન આવતા ખાસ કરીને રાત્રિના સમયે બહારથી આવતા પ્રવાસીઓ ભારે મુશ્કેલીમાં મુકાઈ રહ્યા છે ગેરમાર્ગે દોરાતા પ્રવાસીઓ: રાત્રિના સમયે સ્થિતિ ગંભીર વેગા સર્કલ પાસે બે મુખ્ય ફાટા પડે છે, જેમાં એક રસ્તો બોડેલી તરફ જાય છે અને બીજો સ્ટેચ્યુ ઓફ યુનિટી બોડેલી તરફ જાય છે. યોગ્ય માર્ગદર્શન આપતા મોટા બોર્ડના અભાવે રસ્તો ભટકી જવાની ઘટનાઓ રાત્રિના સમયે અંધારામાં પ્રવાસીઓ સ્ટેચ્યુ ઓફ યુનિટીને બદલે બોડેલી હાઈવે પર ચડી જાય છે
સમય અને ઇંધણનો બગાડ: કિલોમીટરો સુધી આગળ નીકળી ગયા બાદ પ્રવાસીઓને અહેસાસ થાય છે કે તેઓ ખોટા રસ્તે છે, જેના કારણે તેમને ફરી પાછા આવવું પડે છે પર્યટન પર અસર: દેશ-વિદેશથી આવતા સ્યલાણીઓ જ્યારે આવા મહત્વના સર્કલ પર હેરાન થાય છે, ત્યારે પ્રશાસનની છબી ખરડાય છે મુસાફરોની માંગ: માત્ર જાહેરાતો નહીં, સુવિધા પણ આપો
સ્થાનિકો અને મુસાફરોની માગ છે કે સ્ટેટ હાઈવેના અધિકારીઓ કુંભકર્ણની નિદ્રામાંથી જાગે અને વેગા સર્કલ પર તાત્કાલિક અસરથી રેડિયમ વાળા મોટા સાઈન બોર્ડ લગાવે.
સ્ટેચ્યુ ઓફ યુનિટી / રાજપીપળા તરફ બોડેલી તરફ ડભોઇ શહેર તરફ
જવાના રસ્તાઓની સ્પષ્ટ વિગતો હોય, જેથી રાત્રિના સમયે કોઈ પ્રવાસી અટવાય નહીં.
અજાણ્યા પ્રવાસીઓ માટે આ સર્કલ એક અસમંજસનું કેન્દ્ર બની ગયું છે. જો વહેલી તકે બોર્ડ નહીં લાગે તો પ્રવાસીઓની હાલાકી વધતી જશે તંત્રએ ‘અતિથિ દેવો ભવ’ની ભાવના સાથે અહીં પ્રાથમિક સુવિધા પૂરી પાડવી જોઈએ કરોડોના ખર્ચે રસ્તા બને છે તો લાખો પ્રવાસીઓના માર્ગદર્શન માટે એક બોર્ડ લગાવવામાં તંત્રને શું નડે છે.
રિપોર્ટ :- ફઝલ રઝાક ખત્રી, ડભોઈ
