ગુજરાતી ફિલ્મ ‘સંભવ-અસંભવ’નું શુભ મુહૂર્ત સંપન્ન, નવા સિનેમેટિક સફરની શરૂઆત
કેપિટલ મેસેજ, ન્યુઝ
Capital message
પાટણ: ગુજરાતી ફિલ્મ ઇન્ડસ્ટ્રીમાં વધુ એક નવી ફિલ્મનો ઉમેરો થવા જઈ રહ્યો છે. અમૃત સોની પ્રોડક્શનના બેનર હેઠળ બની રહેલી ગુજરાતી ફિલ્મ ‘સંભવ-અસંભવ’ નું શુભ મુહૂર્ત ધાર્મિક વિધિ વચ્ચે સંપન્ન થયું.
More Read
ગુજરાતી ફિલ્મ ઇન્ડસ્ટ્રી સતત નવા વિષયો, નવા સર્જકો અને નવી પ્રતિભાઓ સાથે વિકાસના નવા શિખરો સર કરી રહી છે. આ જ કડીમાં આજે બહુપ્રતિક્ષિત ગુજરાતી ફિલ્મ- સંભવ-અસંભવનું શુભ મુહૂર્ત ધાર્મિક વિધિ અને શુભેચ્છાના માહોલ વચ્ચે સંપન્ન થયું.
ફિલ્મના નિર્માતા અને દિગ્દર્શક અમૃત સોની છે, જ્યારે કથા અને લેખન કે. કે. મકવાણાએ કર્યું છે. જાણીતા લોકગાયક વિશાલદાન ગઢવીના સ્વરમાં ગીતો રજૂ થશે અને સંગીત ડીજે કવીડ તથા ગૌરવ ઢોલા આપી રહ્યા છે. મુહૂર્ત પ્રસંગે ગુજરાતી ફિલ્મ જગતના અનેક જાણીતા કલાકારો અને મહેમાનો ઉપસ્થિત રહ્યા હતા. સમગ્ર ટીમે વિશ્વાસ વ્યક્ત કર્યો કે ‘સંભવ-અસંભવ’ ગુજરાતી સિનેમામાં નવી ઓળખ ઉભી કરશે.
ગુજરાતી સિનેમા આજે વિષયવસ્તુ, ટેકનિકલ ગુણવત્તા અને સર્જનાત્મકતાના નવા માપદંડ સ્થાપિત કરી રહ્યું છે. આવા સમયમાં ‘સંભવ-અસંભવ’ જેવી નવી ફિલ્મનું મુહૂર્ત માત્ર એક ફિલ્મની શરૂઆત નથી, પરંતુ ગુજરાતી ફિલ્મ ઇન્ડસ્ટ્રીના ઉજ્જવળ ભવિષ્ય તરફનું વધુ એક મજબૂત પગલું માનવામાં આવી રહ્યું છે. હવે ફિલ્મપ્રેમીઓ આતુરતાપૂર્વક આ ફિલ્મના શૂટિંગ અને રિલીઝની રાહ જોઈ રહ્યા છે.
રિપોર્ટ. અનિલ રામાનુજ રાધનપુર, પાટણ
