પીવાના પાણીમાં ગટરનું પાણી ભળતાં લોકોમાં રોષ!
ડભોઇ નગરપાલિકાની બેદરકારીથી સુરજ ફળિયામાં પાણી પાણી પીવાના પાણીમાં ગટરના પાણી ભળતા રહીશોમાં રોષ
કેપિટલ મેસેજ, ન્યુઝ
Capital message
ડભોઇ નગરપાલિકા દ્વારા હાલમાં વિકાસના કાર્યો હેઠળ નવી પાઇપલાઇન નાખવાની કામગીરી ચાલી રહી છે પરંતુ આ કામગીરી સ્થાનિકો માટે આશીર્વાદને બદલે આફત બની રહી હોય તેમ લાગી રહ્યું છે. વિભાગ હાઇસ્કૂલથી તળાવપુરા સુધી નવી લાઇન નાખતી વખતે સુરજ ફળિયા પાસે ચાલુ લાઇન ડેમેજ થતા સમગ્ર વિસ્તારમાં જળબંબાકારની સ્થિતિ સર્જાઈ હતી.
ઘટનાનું સ્થળ: સુરજ ફળિયા, વિભાગ હાઇસ્કૂલની પાસે, ડભોઇ નવી પાઇપલાઇનના ખોદકામ દરમિયાન જૂની કાર્યરત લાઇન ડેમેજ થવી અસર સવારે જ્યારે નગરપાલિકા દ્વારા પાણી છોડવામાં આવ્યું, ત્યારે લીકેજને કારણે લાખો લિટર પાણીનો વેડફાટ થયો હતો આખું વિસ્તારમાં જાણે તળાવમાં ફેરવાઈ ગયું હોય તેવી પરિસ્થિતિ ઉભી થઈ હતી.
પીવાના પાણીમાં ગંદકી ભળતા રોગચાળાનો ભય એક તરફ જ્યારે કાળઝાળ ગરમી પડી રહી છે અને પાણીની કિંમત વધી રહી છે, ત્યારે બીજી તરફ પાઇપલાઇન ડેમેજ થતા પીવાના ચોખ્ખા પાણીમાં ગટરનું ગંદુ પાણી મિશ્રિત થઈ ગયું હતું. રહેણાક વિસ્તારમાં ગંદકીનું સામ્રાજ્ય ફેલાતા સ્થાનિક રહીશોમાં ભારે આક્રોશ જોવા મળ્યો હતો ગંદા પાણીના કારણે વિસ્તારમાં દુર્ગંધ ફેલાઈ રહી છે અને ભવિષ્યમાં ગંભીર રોગચાળો ફાટી નીકળવાની ભીતિ સેવાઈ રહી છે પાલિકાની બેદરકારીને કારણે અમારે પીવાના પાણી વગર વલખા મારવા પડે છે અને ઉપરથી આ ગંદકી સહન કરવી પડે છે. તંત્ર વહેલી તકે આનું નિરાકરણ લાવે તેવી અમારી માંગ છે સુરજ ફળિયાના ત્રાહિમામ પોકારી ઉઠેલા રહીશોએ નગરપાલિકા સમક્ષ માંગ કરી છે કેતાત્કાલિક ધોરણે લીકેજ પાઇપલાઇનનું સમારકામ કરવામાં આવે પીવાના પાણીની લાઇનને ગટરના જોડાણથી અલગ કરી તેને શુદ્ધ કરવામાં આવે કામગીરી દરમિયાન કોન્ટ્રાક્ટર દ્વારા રાખવામાં આવતી બેદરકારી સામે કડક પગલાં લેવામાં આવે હવે જોવાનું એ રહે છે કે ડભોઇ નગરપાલિકા આ ગંભીર પ્રશ્ન પર કેટલી ઝડપથી કામગીરી કરે છે કે પછી રહીશોને હજુ પણ ગંદા પાણી અને ગંદકી વચ્ચે દિવસો પસાર કરવા પડશે.
રિપોર્ટ :- ફઝલ રઝાક ખત્રી, ડભોઈ
