પાટણ શહેરના ઘીમટા વિસ્તારમાં એક જ રાત્રે તસ્કરોએ ત્રણ મકાન અને બે પાર્લરને નિશાન બનાવી ચોરીને અંજામ આપ્યો..
કેપિટલ મેસેજ, ન્યુઝ
Capital message
પાટણ શહેરના ઘીમટા વિસ્તારમાં એક જ રાત્રે તસ્કરોએ ત્રણ મકાન અને બે પાર્લરને નિશાન બનાવી ચોરીને અંજામ આપતા ચકચાર મચી છે. બનાવની જાણ થતાં પોલીસ ઘટનાસ્થળે દોડી આવી તપાસ હાથ ધરી છે.
પાટણના ઘીમટા નાકાથી સાગરના ઉપાશ્રય સુધીના વિસ્તારમાં ગત રાત્રે અજાણ્યા તસ્કરોએ ત્રણ મકાન અને બે પાર્લરના તાળા તોડી ચોરીનો પ્રયાસ કર્યો હતો. એક મકાનમાં પ્રવેશવાનો પ્રયાસ નિષ્ફળ રહ્યો હતો, જ્યારે અન્ય સ્થળોના તાળા તોડી ચોરીને અંજામ આપવામાં આવ્યો હતો.
તસ્કરોએ બે પાર્લરમાંથી પરચુરણ રોકડ રકમ, જૂના એન્ટિક સિક્કા, સોપારીનો જથ્થો તેમજ ચોકલેટ, બિસ્કિટ સહિતનો માલસામાન ચોરી કર્યો હોવાનું સામે આવ્યું છે.
સવારે તાળા તૂટેલા જોવા મળતા ચોરીનો ભાંડો ફૂટ્યો હતો. બનાવની જાણ થતાં પોલીસ કાફલો ઘટનાસ્થળે પહોંચ્યો હતો અને તપાસ શરૂ કરી છે.
ચોરીની કુલ રકમ અને નુકસાનનો આંક હજુ સુધી સામે આવ્યો નથી. પોલીસે તસ્કરોને ઝડપી પાડવા માટે વધુ તપાસ હાથ ધરી છે.
રિપોર્ટ. અનિલ રામાનુજ રાધનપુર, પાટણ
