પી.પી.જી. એક્સપરીમેન્ટલ હાઇ.ના એન.એસ.એસ.અને NCC યુનિટ દ્વારા પર્યાવરણ દિનની થયેલ ઉજવણી.
પર્યાવરણ અંગેની ચિંતાનું સમાધાન એટલે યુવાઓને આ વિષય પ્રત્યે વધુ સભાન બનાવવા: ડૉ જય ધ્રુવ
વિધાર્થીઓના રોજિંદા જીવનમાં કેટલીક હકારાત્મક ટેવ અને પર્યાવરણ પ્રત્યેના ભાવનું નિયમિત પ્રાગટીકરણ થકી જ સાચું વૃક્ષ સંવર્ધન અને જતન શક્ય છે : ડૉ ઝેડ.એન.સોઢા
કેપિટલ મેસેજ, ન્યુઝ
Capital message
વિશ્વ પર્યાવરણ દિવસની ઉજવણીના ભાગરૂપે નોર્થ ગુજરાત એજ્યુકેશન સોસાયટી મુંબઈ સંચાલિત પી.પી.જી. એક્સપેરીમેન્ટલ હાઇસ્કુલ પાટણના એન.એસ.એસ.અને એન.સી.સી. યુનિટ દ્વારા શાળા પરિસરની અંદર 15 જેટલા ફૂલ છોડ થકી વૃક્ષારોપણ, 20 પાણીના કુંડા અને 10પક્ષીના માળાની બાંધણી તથા વિતરણ કરવામાં આવેલ . શાળાના સુપર વાઇઝર ગમનભાઈ સુથાર , શાળા કોઓર્ડિનેટર યોગેશભાઈ પટેલ, એન.એસ.એસ. પ્રોગ્રામર ઓફિસર ભાવેશભાઈ રાવળ, એન.સી.સી. ઓફિસર પ્રશાંત પટેલ તથા પર્યાવરણ પ્રેમી શિક્ષકો, વાલીઓ તથા વોલેન્ટિયર/ NSS/ NCC ગ્રીન કમાન્ડો એવા સ્વયં સેવકોની ઉપસ્થિતિમાં આ કાર્યક્રમ યોજાયો.
આ કાર્યક્રમના માધ્યમથી પર્યાવરણ ક્ષેત્રે જાગૃતિ સંરક્ષણ અને સંવર્ધન અનિવાર્ય છે તે સંદેશ આપવામાં આવેલ. પ્રકૃતિ અને માનવ જાતિ નો સંબંધ આદિ કાળથી રહ્યો છે. શાળાના બાળકોમાં અને શાળા પરિવારમાં પર્યાવરણ માટેના કાર્યો કરવાની પ્રેરણા અને પ્રોત્સાહન મળે તે હેતુસર આ કાર્યક્રમનું આયોજન | કરવામાં આવેલ. આ નાનકડા પરંતુ પર્યાવરણ પ્રત્યેની કૃતજ્ઞતા વ્યકત કરતા કાર્યક્રમ માટે સમગ્ર કેમ્પસને આગવી પહેલ કરવાની પ્રેરણા અને પ્રોત્સાહન NGES કેમ્પ્સ સંચાલક ડૉ જય ધ્રુવ આપેલ.તથા આ સુંદર કાર્યની સરાહના કરીને સમગ્ર પર્યાવરણ પ્રેમી ટીમ અને શાળા તથા કેમ્પસને પોતીકું માની અને વિશ્વ લેવલે ચિંતાનો જે વિષય છે પર્યાવરણની ચિંતા અને ચિંતન. એ કાર્યમાં પર્યાવરણ સેવા યજ્ઞ કરવા બદલ શાળાના આચાર્ય ડૉ ઝુઝારસંગ સોઢા અને શાળા પરિવારને અભિનંદન સહ શુભેચ્છાઓ પાઠવેલ.
