ડભોઇ બોડેલી હાઇવે ગોલ્ડન કોરિડોર બન્યો: ટીંબી ફાટકથી ગોપાલપુરા સુધી ખીલેલા પીળા ફૂલો પ્રવાસીઓ માટે આકર્ષણનું કેન્દ્ર
કેપિટલ મેસેજ, ન્યુઝ
Capital message
ડભોઇ ઉનાળાની કાળઝાળ ગરમીમાં જ્યારે ધરતી તપી રહી છે, ત્યારે ડભોઇના ટીંબી ફાટકથી ગોપાલપુરા સુધીનો હાઇવે કુદરતી સૌંદર્યથી નરવાઈ પામ્યો છે. આ માર્ગ પર આવેલા હજારો ગુરુમુખ ગલતોરો અમલતાસ ના વૃક્ષો પર બેઠેલા પીળાચટ્ટક ફૂલોએ સમગ્ર વાતાવરણને સોનેરી આભાસ આપ્યો છે.
કેસરીયો તડકો અને પીળી ચાદર ડભોઇ-બોડેલી રોડ પર હજારોની સંખ્યામાં આવેલા આ વૃક્ષો અત્યારે પૂર્ણ ખીલાત પર છે. માર્ગની બંને બાજુએ લટકતા પીળા ફૂલોના ઝુમખાઓને કારણે એવું લાગે છે જાણે હાઇવે પર કુદરતે પીળી ચાદર બિછાવી દીધી હોય. આ દ્રશ્ય માત્ર સ્થાનિકો જ નહીં, પરંતુ અહીંથી પસાર થતા વાહનચાલકો માટે પણ આકર્ષણનું કેન્દ્ર બન્યું છેગરમીમાં ઠંડકનો અહેસાસ ભલે અત્યારે વૈશાખનો તાપ પડી રહ્યો હોય, પરંતુ આ વૃક્ષોની ગીચતાને કારણે રોડ પર કુદરતી છાંયો મળી રહે છે.
શીતળતા: ઘટાદાર વૃક્ષોને કારણે હાઇવે પર તાપમાનમાં ઘટાડો અનુભવાય છે સુગંધ આ ફૂલોની હળવી અને મીઠી સુગંધ વાતાવરણમાં એક અનોખી મહેક પ્રસરાવી રહી છે, જે રાહદારીઓના થાકને દૂર કરે છેદ્રશ્ય આનંદ: દૂરથી જોતા આ પીળા ફૂલો આંખોને ઠંડક આપે છે અને માનસિક શાંતિનો અનુભવ કરાવે છેસેલ્ફી પોઈન્ટ બન્યો હાઇવે
સોશિયલ મીડિયાના જમાનામાં આ ‘ગોલ્ડન રોડ’ હવે ફોટોગ્રાફીના શોખીનો માટે હોટસ્પોટ બની ગયો છે. પસાર થતા પ્રવાસીઓ ખાસ ઉભા રહીને આ કુદરતી કરામતને પોતાના કેમેરામાં કેદ કરી રહ્યા છે. વન વિભાગ દ્વારા ઉછેરવામાં આવેલા આ વૃક્ષો આજે પર્યાવરણની જાળવણી સાથે સુંદરતાનો પણ પર્યાય બન્યા છે ગુરુમુખના આ પીળા ફૂલો માત્ર સુંદરતા જ નથી વધારતા, પણ ધોમધખતા ઉનાળામાં મુસાફરો માટે આશીર્વાદરૂપ શીતળતા પણ પૂરી પાડે છે.
રિપોર્ટ : ફઝલ રઝાક ખત્રી, ડભોઈ
