ડભોઇ સેવા સદન બગીચામાં ખુલ્લા વીજ વાયરો ચોમાસામાં ‘મોતનું ખુલ્લું આમંત્રણ’!
કેપિટલ મેસેજ
Capital message
જે કચેરીમાંથી સમગ્ર તાલુકાનો વહીવટ થાય છે ત્યાં જ ઘોર બેદરકારી કોઈ અકસ્માત સર્જાશે તો જવાબદાર કોણ ડભોઇ સ્થિત સેવા સદન કચેરી જ્યાંથી સમગ્ર ડભોઇ તાલુકાની જનતા માટેનો મહત્વનો વહીવટ ચલાવવામાં આવે છે તે જ કચેરીના પ્રાંગણમાં આવેલો બગીચો હાલમાં ઘોર વહીવટી બેદરકારીનું કેન્દ્ર બન્યો છે. સેવા સદનના બગીચામાં લાઈટોના વીજ વાયરોની પેટીઓ (ઈલેક્ટ્રિક બોક્સ) ખુલ્લી હાલતમાં રખડતી જોવા મળી રહી છે જેના કારણે ચોમાસાની ઋતુમાં ગંભીર દુર્ઘટના સર્જાવાનો ભય ઊભો થયો છે.દરરોજ હજારો અરજદારોના જીવ જોખમમાં ડભોઇ સેવા સદનમાં દરરોજ તાલુકાભરમાંથી હજારો લોકો અલગ-અલગ સરકારી કામકાજ જેવા કે આવકના દાખલા 7/12 અને 8-અ ના ઉતારા રેશનકાર્ડ સંબંધિત કામગીરી સ્ટેમ્પ પેપર અને નોટરી કામકાજ અને મહત્વની કચેરીઓ આવેલી છે
દૂર-દૂરથી આવતા અરજદારો અને તેમના નાના બાળકો કામકાજ દરમિયાન કચેરીના બગીચામાં બેસતા હોય છે. પરંતુ બગીચામાં આવેલી લાઈટની ઈલેક્ટ્રિક પેટીઓ ખુલ્લી હોવાથી અને તેમાંથી વીજ વાયરો બહાર લટકતા હોવાથી જાણે ‘મોતને ખુલ્લું આમંત્રણ’ અપાતું હોય તેવી ભયાનક સ્થિતિ સર્જાઈ છે.ચોમાસામાં કરંટ ઊતરવાનો મોટો ખતરોહાલમાં મેઘમહેર વચ્ચે ચોમાસાની સીઝન ચાલી રહી છે. વરસાદના કારણે ખુલ્લી વીજ પેટીઓ અને વાયરોમાં પાણી જવાથી સમગ્ર બગીચામાં અથવા નજીકના લોખંડના થાંભલાઓમાં વીજ કરંટ ઊતરવાની પૂરતી શક્યતાઓ છે. જો કોઈ ભોળો નાગરિક કે રમતું બાળક અજાણતા આ ખુલ્લા વાયરો સરખે અડકી જાય, તો મોટો જાનમાલનો અકસ્માત સર્જાઈ શકે છે.દિવા તળે જ અંધારું!” જે કચેરીમાંથી આખા તાલુકાનું તંત્ર ચાલે છે, ત્યાં જ અધિકારી ઓની નજર સામે ખુલ્લા મોત સમાન વાયરો લટકી રહ્યા છે. જો અહીં કોઈ અનિચ્છનીય બનાવ બનશે કે કોઈનો જીવ જશે, તો તેની જવાબદારી કોની રહેશે સેવા સદનનું તંત્ર કે વીજ કંપની?
તાકીદે સુધારાની માંગ સ્થાનિક નાગરિકો અને અરજદારોમાં આ મામલે ભારે રોષ જોવા મળી રહ્યો છે. લોકોની માંગ છે કે કોઈ મોટી હોનારત સર્જાય તે પહેલાં ડભોઇ સેવા સદન તંત્ર દ્વારા ત્વરિત પગલાં ભરીને આ ખુલ્લા વીજ વાયરો અને પેટીઓને યોગ્ય રીતે બંધ કરી સુરક્ષિત કરવામાં આવે.
રિપોર્ટ :- ફઝલ રઝાક ખત્રી, ડભોઈ
