ડભોઇ ટીંબી ફાટક પાસે ‘મોતનું ડિવાઇડર’, સ્ટેટ હાઇવેના અધિકારીઓ ઘોર નિંદ્રામાં!
કેપિટલ મેસેજ, ન્યુઝ
ડભોઇના ટીંબી ફાટક પાસે આવેલા મુખ્ય માર્ગ પર સ્ટેટ હાઇવે વિભાગની ગંભીર બેદરકારી સામે આવી છે. અહીં રોડના ડિવાઇડર પર મોટા પ્રમાણમાં કાંટાળા બાવળ અને ઝાડી-ઝાંખરા ઉગી નીકળ્યા છે જે હવે વાહનચાલકો માટે જીવલેણ સાબિત થઈ રહ્યા છે મુખ્ય સમસ્યાઓ જે અકસ્માતને નોતરે છે:
દ્રશ્યતાનો અભાવ ડિવાઇડર પર ઉગેલા જંગલી બાવળ એટલા ઊંચા થઈ ગયા છે કે સામેથી આવતા વાહનો દેખાતા નથી.
રાત્રિના સમયે જોખમ: આ માર્ગ પર કોઈ પણ પ્રકારના રેડિયમ બોર્ડ કે સ્ટ્રીટ લાઈટોની સુવિધા નથી. રાત્રે અંધારામાં આ ઝાડીઓ દેખાતી ન હોવાથી વાહન ચાલકો અચાનક ડિવાઇડર સાથે અથડાય છે ટ્રાફિકનું ભારણ: આ મુખ્ય માર્ગ હોવાથી અહીંથી રોજબરોજ હજારો નાના-મોટા વાહનો પસાર થાય છે, છતાં તંત્ર મૌન સેવીને બેઠું છે શું કોઈ નિર્દોષનો ભોગ લેવાયા પછી જ તંત્ર જાગશે
સ્થાનિકો અને વાહનચાલકોમાં ભારે રોષ જોવા મળી રહ્યો છે લોકોનું કહેવું છે કે સ્ટેટ હાઇવેના અધિકારીઓ માત્ર પોતાની એસી ચેમ્બરમાં બેસીને વહીવટ કરી રહ્યા છે. જો આ અધિકારીઓ ફિલ્ડમાં ઉતરીને તપાસ કરે, તો તેમને જનતાની હાલાકીની સાચી ખબર પડે લોક માંગણી વહેલી તકે ડિવાઇડર પરથી જંગલી ઝાડી-ઝાંખરા સાફ કરવામાં આવે.
વળાંકો અને ડિવાઇડર પર રેડિયમ પટ્ટીઓ અને ચેતવણીના બોર્ડ લગાવવામાં આવે.
માર્ગ પર પૂરતી લાઈટોની વ્યવસ્થા કરવામાં આવે જેથી અકસ્માતો નિવારી શકાય.
હવે જોવાનું એ રહ્યું કે તંત્ર આ બાબતે સત્વરે જાગે છે કે પછી કોઈ મોટી દુર્ઘટનાની રાહ જોવામાં આવે છે.
રિપોર્ટ : ફઝલ રઝાક ખત્રી, ડભોઈ
