ડભોઇ ના બજારમાં ફળોના રાજા’નું આગમન મોંઘી તો મોંઘી પણ કેરી ખાવાના શોખીનોમાં ભારે ઉત્સાહ
કેપિટલ મેસેજ, ન્યુઝ
ડભોઇ ઉનાળાની આકરી ગરમી વચ્ચે ડભોઇ શહેર અને તાલુકામાં આખરે અમૃતફળ કેરીનું આગમન થઈ ચૂક્યું છે. શહેરના મુખ્ય માર્ગો અને બજારોમાં કેસર અને બદામ કેરીના ઢગલા જોવા મળી રહ્યા છે. જોકે, આ વર્ષે કુદરતી આફતોને કારણે કેરીના ભાવમાં તોતિંગ વધારો જોવા મળી રહ્યો છે, તેમ છતાં સ્વાદના શોખીન ડભોઇવાસીઓ મોંઘા ભાવે પણ કેરીની ખરીદી કરી રહ્યા છેબજારના લેટેસ્ટ ભાવ પર એક નજર:બજારમાં હાલ મુખ્યત્વે બે જાતની કેરીઓનું વર્ચસ્વ જોવા મળી રહ્યું છે:
બદામ કેરી: ₹150 થી ₹160 પ્રતિ કિલો (ગ્રામ્ય વિસ્તારમાં વધુ માંગ)કેસર કેરી: ₹300 થી ₹350 પ્રતિ કિલો (ખાસ કરીને શહેરના લોકોની પહેલી પસંદ) કેમ છે કેરી મોંઘી? (વેપારીઓનો મત) સ્થાનિક વેપારીઓના જણાવ્યા અનુસાર, આ વર્ષે કેરીનો પાક ઓછો ઉતર્યો છે. તેની પાછળના મુખ્ય કારણો નીચે મુજબ છે કમોસમી વરસાદ: આ વર્ષે પડેલા માવઠાએ કેરીના મોરને ભારે નુકસાન પહોંચાડ્યું હતુંવાવાઝોડું: ત્રણ-ત્રણ વખત ત્રાટકેલા વાવાઝોડાને કારણે આંબા પરથી કેરીઓ ખરી પડી હતી, જેથી ઉત્પાદન ઘટ્યું છે મોડું આગમન: પાકને થયેલા નુકસાનના કારણે બજારમાં કેરી આવતા ઘણો સમય લાગ્યો છેમોંઘવારીની અસર છતાં ખરીદી યથાવત ડભોઇના ગ્રામ્ય વિસ્તારમાં સસ્તી હોવાથી ‘બદામ’ કેરીનું વેચાણ વધુ જોવા મળે છે, જ્યારે શહેરી વિસ્તારોમાં ‘કેસર’ની બોલબાલા છે. જોકે, ગત વર્ષની સરખામણીએ ભાવ ઊંચા હોવાને કારણે મધ્યમ વર્ગ થોડી સાવચેતીપૂર્વક ખરીદી કરી રહ્યો છે. વેપારીઓનું કહેવું છે કે ભાવને કારણે વેચાણમાં થોડો ઘટાડો જરૂર છે, પરંતુ સ્વાદના શોખીનો તો મોંઘી કેરી પણ હોંશે-હોંશે ઘરે લઈ જઈ રહ્યા છે ભલે કેરી મોડી આવી અને મોંઘી પણ છે, પણ ઉનાળો કેરી વગર અધૂરો છે.
રિપોર્ટ :ફઝલ રઝાક ખત્રી,ડભોઈ
