ડભોઇ તાલુકાના વઢવાણા પક્ષી અભયારણ્ય નજીક રસ્તા પર 5 ફૂટ ઊંડો ભુવો, તંત્રની ઘોર નિદ્રાથી પ્રવાસીઓ અને ખેડૂતોના જીવ જોખમમાં
કેપિટલ મેસેજ,ન્યુઝ
Capital Message
ડભોઇ વિશ્વવિખ્યાત વઢવાણા પક્ષી અભયારણ્ય માટે જાણીતા ડભોઇ તાલુકાના વઢવાણા ગામ પાસે વહીવટી તંત્રની મોટી બેદરકારી સામે આવી છે. ગામના મુખ્ય ટર્નિંગ પર છેલ્લા એક મહિનાથી 5 ફૂટ ઊંડો જોખમી ભુવો પડ્યો હોવા છતાં માર્ગ અને મકાન વિભાગના અધિકારીઓ આંખ આડા કાન કરી રહ્યા છે મુખ્ય સમસ્યાઓ અને તંત્રની ઉદાસીનતા પ્રવાસીઓ માટે જોખમ:
વઢવાણા તળાવ પક્ષીઓ માટે પ્રખ્યાત હોવાથી અહીં મોટી સંખ્યામાં પર્યટકોની અવરજવર રહે છે. અજાણ્યા વાહનચાલકો માટે આ 5 ફૂટનો ભુવો જીવલેણ સાબિત થઈ શકે તેમ છે. ખેડૂતોની હાલાકી: આ રસ્તો ડભોઇથી સંખેડા અને આસપાસના ખેતરોમાં જવા માટેનો મુખ્ય માર્ગ છે. ખેતીના સાધનો અને ટ્રેક્ટરો લઈને પસાર થતા ખેડૂતો માટે અહીંથી નીકળવું અત્યંત મુશ્કેલ બન્યું છે.
રજૂઆતોનું પરિણામ શૂન્ય: ગ્રામજનો દ્વારા છેલ્લા એક મહિનાથી રોડ ખાતાના અધિકારીઓને વારંવાર લેખિત અને મૌખિક રજૂઆતો કરવામાં આવી છે, પરંતુ હજુ સુધી ખાડો પૂરવાની તસ્દી લેવામાં આવી નથી
શું તંત્ર કોઈનો ભોગ લેવાય તેની રાહ જોઈ રહ્યું છે સ્થાનિકોના જણાવ્યા અનુસાર, આ ટર્નિંગ પર ભુવો હોવાથી રાત્રિના સમયે અકસ્માતનો ભય સૌથી વધુ રહે છે. વારંવારની રજૂઆત છતાં અધિકારીઓ કેમ જાગતા નથી તે એક મોટો પ્રશ્ન છે. જો સત્વરે આ ભુવો પૂરવામાં નહીં આવે પણ મોટી દુર્ઘટના થશે તો જવાબદાર કોણ..
રિપોર્ટ :- ફઝલ રઝાક ખત્રી, ડભોઈ
