રાધનપુરમાં શરદ પૂર્ણિમા નિમિતે શ્રી રાપરિયા હનુમાનજી મંદિરે રાસ-ગરબાની રમઝટ જામી
વર્ષોની પરંપરા જાળવી રામાનંદી સાધુ દ્વારા ધાર્મિક કાર્યક્રમ નુ આયોજન, દાતાઓનું સન્માન,સાઉન્ડ અને દૂધ-પૌવાના પ્રસાદના દાતા ગિરીશભાઈ સાધુ નાસ્તાના દાતા વાસુદેવભાઈ ઠક્કરનો સેવાભાવ સરાહનીય
કેપિટલ મેસેજ
More Read
Capital message
26, October, 2026
રાધનપુર શહેરમાં શરદ પૂર્ણિમાના પવિત્ર પર્વ નિમિત્તે શ્રી રાપરિયા હનુમાનજી મંદિર ખાતે રાસ-ગરબાના કાર્યક્રમનું આયોજન કરવામાં આવ્યું છે. ધાર્મિક આસ્થા, ભક્તિ અને ગુજરાતી લોકસંસ્કૃતિના સુંદર સંગમ સમાન આ કાર્યક્રમને લઈને ભક્તજનોમાં ઉત્સાહનો માહોલ જોવા મળી રહ્યો છે. રાસ-ગરબાની રમઝટ સાથે શરદ પૂનમના પર્વની ઉજવણી ભક્તિમય વાતાવરણમાં કરવામાં આવશે.
શરદ પૂનમનું હિન્દુ ધર્મમાં વિશેષ ધાર્મિક અને સાંસ્કૃતિક મહત્ત્વ છે. આ પર્વ નિમિત્તે વિવિધ સ્થળોએ ધાર્મિક કાર્યક્રમો અને પરંપરાગત ઉજવણીઓ યોજાય છે. ત્યારે રાધનપુરના શ્રી રાપરિયા હનુમાનજી આશ્રમ ખાતે રામાનંદી સાધુ સમાજ આયોજિત રાસ-ગરબાના આયોજનથી ભક્તજનોને ધાર્મિક આસ્થા સાથે ગુજરાતી લોકસંસ્કૃતિનો આનંદ માણવાની તક મળી હતી.
સેવાભાવી દાતાઓનો સરાહનીય સહયોગ રહ્યો.આ કાર્યક્રમને સફળ અને સુવ્યવસ્થિત બનાવવા માટે સેવાભાવી દાતાઓ દ્વારા સહયોગ આપવામાં આવ્યો હતો. સાઉન્ડ વ્યવસ્થા તેમજ દૂધ-પૌવાના પ્રસાદના દાતા તરીકે દાદરના ગિરીશભાઈ માખણદાસ સાધુએ સહયોગ આપ્યો છે, જ્યારે રાધનપુરના વાસુદેવભાઈ ઠક્કર દ્વારા નાસ્તાની સેવા માટે સહયોગ આપવામાં આવ્યો છે. ધાર્મિક પ્રસંગે શ્રદ્ધા સાથે સેવા આપતા દાતાઓનો આ સેવાભાવ પ્રશંસનીય છે.
શરદ પૂર્ણિમા નિમિતે રામાનંદી સાધુ સમાજ દ્વારા આયોજિત કાર્યક્રમ માં માતાજી ની આરતી,ગરબા અને વિવિધ ધાર્મિક પ્રવૃતિઓ યોજાઇ. દાદાના ચાચર ચોકમાં ભક્તો ખેલૈયાઓ એ ગરબે ઘૂમી માતાજી ની આરાધના કરી જેને લઇને સમગ્ર પરિસર ભક્તિમય વાતાવરણમાં રંગાઈ ગયું હતું.ધાર્મિક અને સાંસ્કૃતિક કાર્યક્રમો સમાજમાં એકતા, ભાઈચારો અને સહકારની ભાવનાને મજબૂત બનાવે છે. આવા આયોજનો થકી નવી પેઢી પણ ગુજરાતી લોકસંસ્કૃતિ અને પરંપરાઓ સાથે જોડાય છે. શરદ પૂનમના પાવન પર્વે શ્રી રાપરિયા હનુમાનજી આશ્રમ ખાતે યોજાનારો રાસ-ગરબાનો કાર્યક્રમ ભક્તિ, પરંપરા અને સેવાભાવના સંદેશ સાથે પર્વની ઉજવણીને વિશેષ બનાવ્યો હતો.
રિપોર્ટ. અનિલ રામાનુજ પાટણ
