ડભોઇ શહેર અને તાલુકામાં ૧૫૦ જેટલી ગણેશ પ્રતિમાઓનું શાંતિપૂર્ણ માહોલમાં વિસર્જન: પોલીસનો ચુસ્ત બંદોબસ્ત!
કેપિટલ મેસેજ
Capital message
ડભોઇ શહેર સહિત સમગ્ર તાલુકામાં ગણેશ મહોત્સવની ભક્તિભાવપૂર્વક ઉજવણી બાદ આજે ‘ગણપતિ બાપ્પા મોરિયા, પુઢચ્યા વર્ષી લવકર યા’ના ગગનભેદી નારાઓ સાથે વિઘ્નહર્તાને ભાવભીની વિદાય આપવામાં આવી હતી. શહેર અને ગ્રામ્ય વિસ્તાર મળીને કુલ ૧૫૦ જેટલી નાની-મોટી શ્રીજીની પ્રતિમાઓનું શ્રદ્ધાપૂર્વક વિસર્જન સંપન્ન થયું હતું.
ડભોઈ શહેર અને તાલુકામાં ઉત્સાહભેર વિસર્જન આ વર્ષે ડભોઇ શહેરમાં સ્થાપિત કરાયેલી ૮૦ જેટલી અને તાલુકાના વિવિધ ગામોમાં સ્થાપિત ૭૦ જેટલી મળીને કુલ ૧૫૦ શ્રીજીની પ્રતિમાઓનું ભક્તિમય વાતાવરણમાં વિસર્જન કરવામાં આવ્યું હતું. ઢોલ-નગારા, ડીજેના તાલે અબીલ-ગુલાલની છોળો વચ્ચે નીકળેલી શોભાયાત્રાઓમાં મોટી સંખ્યામાં શ્રદ્ધાળુઓ ઉમટી પડ્યા હતા.શોભાયાત્રાનો રૂટ અને કૃત્રિમ તળાવમાં વિસર્જન શહેરમાં નીકળેલી ભવ્ય વિસર્જન યાત્રા પરંપરાગત માર્ગો પર ફરી હતી.
આ શોભાયાત્રા વડોદરી ભાગોળથી પ્રસ્થાન થઈ દૂધિયા પીર, ટાવર ચોક, લાલ બજાર, ભારત ટોકીઝ અને વકીલના બંગલા તેમજ ઐતિહાસિક હીરા ભાગોળ થઈને સુધરાઈ ગ્રાઉન્ડ ખાતે પહોંચી હતી. પર્યાવરણની જાળવણીના ભાગરૂપે ડભોઇ નગરપાલિકા કોંગ્રેસ પ્રમુખ પુષ્પાબેન રાવલ ઉપપ્રમુખ નૂર મોહમ્મદ મહુડા વાળા ચીફ ઓફિસર વીરાજશાહ કારોબારી ચેરમેન અફઝલ કાબાવાલા મેનેજર મહેશભાઈ પરમાર દ્વારા લાઈટ રોશની તેમજ તળાવ જેસીબી ની સુવિધા સાથે સુધરાઈ ગ્રાઉન્ડ ખાતે તૈયાર કરવામાં આવેલા વિશાળ કૃત્રિમ તળાવમાં તમામ પ્રતિમાઓનું શાસ્ત્રોક્ત વિધિ મુજબ વિસર્જન કરવામાં આવ્યું હતું.ચુસ્ત પોલીસ બંદોબસ્ત અને ત્રીજી આંખની નજરવિસર્જન પર્વ દરમિયાન કોઈ અનિચ્છનીય બનાવ ન બને અને કાયદો-વ્યવસ્થા જળવાઈ રહે તે માટે ડભોઇ પોલીસ તંત્ર દ્વારા અભેદ્ય સુરક્ષા વ્યવસ્થા ગોઠવવામાં આવી હતી.૧ ડીવાયએસપી (DySP) ૩ પીઆઈ (PI)૧૦ પીએસઆઈ (PSI) ૩૫૦ જેટલા પોલીસ જવાનું ૪૦૦ જેટલા હોમગાર્ડ અને જીઆરડી (GRD) જવાનો સમગ્ર સંવેદનશીલ વિસ્તારો અને શોભાયાત્રાના રૂટ પર ૫૪ જેટલા સીસીટીવી કેમેરા તેમજ ડ્રોન દ્વારા ચાંપતી નજર રાખવામાં આવી હતી. વહીવટી તંત્ર અને પોલીસ પ્રશાસનના સઘન આયોજન તેમજ નગરજનોના સહકારથી સમગ્ર વિસર્જન પ્રક્રિયા શાંતિપૂર્ણ અને સુમેળભર્યા વાતાવરણમાં સંપન્ન થઈ હતી.
રિપોર્ટ :- ફઝલ રઝાક ખત્રી, ડભોઈ
