પ્રશિક્ષણ મહાઅભિયાન- ૨૦૨૬ માટે પાટણ ભાજપની તૈયારી બેઠક યોજાઈ
કેપિટલ મેસેજ, ન્યુઝ
Capital message
પંડિત દિનદયાળ ઉપાધ્યાય પ્રશિક્ષણ મહાઅભિયાન- ૨૦૨૬ અંતર્ગત ગુજરાત પ્રદેશમાં યોજાનાર મંડલ વર્ગની તૈયારીના ભાગરૂપે પાટણ જિલ્લા ભાજપ કાર્યાલય ‘કમલમ્’ ખાતે જિલ્લા ભાજપ અધ્યક્ષ રમેશભાઈ સિંધવના અધ્યક્ષસ્થાને જિલ્લા પદાધિકારીઓની મહત્વપૂર્ણ બેઠક યોજાઈ હતી.
બેઠકમાં પશ્ચિમ ઝોનના પ્રશિક્ષણ વર્ગ અભિયાનના ઇન્ચાર્જ કે.સી. પટેલે કાર્યકર્તાઓને પ્રશિક્ષણ અભિયાનના ઉદ્દેશો, આયોજન અને સંગઠનાત્મક જવાબદારીઓ અંગે વિશેષ માર્ગદર્શન આપ્યું હતું. તેમણે કાર્યકર્તાઓને સંગઠનને વધુ મજબૂત બનાવવા તથા પ્રશિક્ષણ વર્ગને સફળ બનાવવા માટે સક્રિય ભૂમિકા ભજવવા અનુરોધ કર્યો હતો.
આ પ્રસંગે જિલ્લા પંચાયત પ્રમુખ ભાવિકભાઈ પટેલ, જિલ્લા ભાજપ મહામંત્રી લાલજીભાઈ દેસાઈ, દિલીપભાઈ જોશી સહિત જિલ્લાના પદાધિકારીઓ અને અપેક્ષિત કાર્યકર્તાઓ ઉપસ્થિત રહ્યા હતા. બેઠકમાં આગામી મંડલ સ્તરના પ્રશિક્ષણ વર્ગની સફળતા માટે વિવિધ મુદ્દાઓ પર ચર્ચા કરવામાં આવી હતી.
