વરસાદી કાંસમાં નાગ-નાગિનની પ્રણયક્રીડા જોવા લોકો ઉમટ્યા
ડભોઈ શહેર વડોદરી ભાગોળ વિસ્તારમાં અદ્ભુત નજારો વરસાદી કાંસમાં નાગ-નાગિનની પ્રણયક્રીડા જોવા લોકોના ટોળેટોળાં ઉમટ્યા
કેપિટલ મેસેજ, ન્યુઝ
Capital message
ડભોઈ સામાન્ય રીતે ફિલ્મોના પડદા પર કે વન્યજીવ ચેનલોમાં જોવા મળતા દ્રશ્યો જ્યારે હકીકતમાં લોકવસ્તીની વચ્ચે જોવા મળે ત્યારે કુતૂહલ સર્જાવું સ્વાભાવિક છે. આવો જ એક આશ્ચર્યજનક અને રોમાંચક નજારો આજે ડભોઈ શહેરમાં જોવા મળ્યો હતો જ્યાં ધોળા દિવસે એકસાથે નાગ અને નાગિન જોડીમાં જોવા મળ્યા હતા.
જાહેરમાં જોવા મળી
નાગ-નાગિનની મસ્તી
મળતી વિગતો મુજબ ડભોઈ શહેરના મુખ્ય પ્રવેશદ્વાર સમાન વડોદરી ભાગોળ નજીક આવેલી વરસાદી કાંસ (ગટર/નાળા)માં આજે અચાનક નાગ અને નાગિનનું એક જોડું આવી ચડ્યું હતું આ નાગ-નાગિન આસપાસની કોઈ પણ હલચલથી બેખબર બનીને પોતાની જ ધૂનમાં, એકબીજા સાથે ગૂંથાઈને પ્રણયક્રીડા (મસ્તી) કરી રહ્યા હતા.રૂપવાણી ફિલ્મી દ્રશ્ય જેવો માહોલ સર્જાયો સામાન્ય રીતે આવા દ્રશ્યો જંગલ વિસ્તારમાં અથવા ગ્રામ્ય સીમમાં વનવગડામાં જોવા મળતા હોય છે. શહેરી વિસ્તારના મુખ્ય માર્ગ નજીક આવો અદ્ભુત નજારો ભાગ્યે જ જોવા મળે છે. વડોદરી ભાગોળ જેવા ટ્રાફિકથી ધમધમતા વિસ્તારની બાજુમાં જ આ દ્રશ્ય સર્જાતા, રસ્તેથી પસાર થતા વાહનચાલકો અને સ્થાનિક રહીશોની નજર તેના પર પડી હતી.લોકોના ટોળેટોળાં જામ્યા, લોકોમાં આશ્ચર્ય જોતજોતામાં આ વાત વાયુવેગે પંથકમાં પ્રસરી ગઈ હતી અને નાગ-નાગિનની આ અનોખી જુગલબંદીને જોવા માટે લોકોના લોકટોળાં એકઠા થઈ ગયા હતા. સામાન્ય રીતે સાપને જોઈને ભાગી જતાં લોકો આજે આ નજારો જોઈને અચંબો પામી ગયા હતા. નવાઈની વાત એ હતી કે, આસપાસ આટલી મોટી સંખ્યામાં માનવ મેદની એકઠી થઈ હોવા છતાં અને લોકો હોબાળો કરતા હોવા છતાં, નાગ-નાગિન પોતાની મસ્તીમાં જ મગન રહ્યા હતા અને લાંબો સમય સુધી ત્યાં જ જોવા મળ્યા હતા.
સ્થાનિકો માટે આ દ્રશ્ય કુતૂહલની સાથે સાથે ભારે આશ્ચર્યનો વિષય બન્યું હતું અનેલોકોએ આ દુર્લભ નજારાને પોતાના મોબાઈલ કેમેરામાં પણ કેદ કર્યો હતો.
રિપોર્ટ :- ફઝલ રઝાક ખત્રી, ડભોઈ
