પી.પી.જી. એક્સપરિમેન્ટલ હાઇસ્કુલમાં કન્યા કેળવણી મહોત્સવ અને પ્રગતિનો પ્રવેશોત્સવ યોજાયો.
કેપિટલ મેસેજ, ન્યુઝ
Capital message
ગુજરાત રાજ્ય સરકાર દ્વારા આયોજિત શાળા પ્રગતિનો પ્રવેશોત્સવ અને કન્યા કેળવણી મહોત્સવ-૨૦૨૬ અંતર્ગત ત્રીજા દિવસે પાટણ શહેરની ખૂબ નામાંકિત શિક્ષણ અને શિક્ષણેતર પ્રવૃત્તિઓમાં હમેંશા અગ્રેસર એવી નોર્થ ગુજરાત એજ્યુકેશન સોસાયટી મુંબઈ સંચાલિત પી.પી.જી. એક્સપેરિમેન્ટલ હાઈસ્કૂલ અને શ્રી વી. આર.પટેલ ઉ.મા.શાળા પાટણમાં ખૂબ હર્ષોલ્લાસભર અને થોડા અલગ અંદાજથી કાર્યક્રમ યોજાયો હતો.
આ પ્રસંગે ગુજરાત રાજ્યના શ્રમ, કૌશલ્ય વિકાસ અને રોજગાર વિભાગ,ગાંધીનગર સચિવ લોચન સહેરા,લાયઝન અધિકારી તથા પ્રાંત અધિકારી પાર્થ ગૌસ્વામી , કેમ્પસ સંચાલક ડૉ.જય ધ્રુવ , શ્રમ અને રોજગાર અધિકારી પાટણ, રૂટ લાયઝન CRC હરેશભાઈ પટેલ, વોર્ડ સભ્યો રોહિતકુમાર પટેલ , રેણુકાબેન દરબાર ,SMDC સભ્યો વિનોદભાઈ સુથાર, લક્ષ્મણભાઈ યોગી ઉપરાંત મોટી સંખ્યામાં વાલીગણની ઉપસ્થિતિ રહી હતી.
છેલ્લા 2 દાયકામાં શાળાના ગુણવત્તાસભર શિક્ષણ સ્વાવલંબી તથા નવચાર-સ્ટાર્ટઅપ પર રાજય સરકારનો વધુ ભાર : સચિવ લોચન સહેરા …
પધારેલ અધિકારીગણ તમામ મહેમાનઓનું સુખડ તિલક અને સુંદર પર્યાવરણ સંદેશ હેતુસર કુંડાસહ છોડ આપીને ભાવભીનો સત્કાર કરવામાં આવ્યો. દિપ પ્રાગટય બાદ શાળાના આચાર્ય ડૉ.ઝેડ.એન.સોઢા દ્વારા શાબ્દિક સ્વાગત તથા શાળાની ટૂંકી ઝલકમાં શ્રેષ્ઠ શાળા પુરસ્કાર , ચાર રાજ્ય અને એક રાષ્ટ્ર પુરસ્કૃત શિક્ષક ગણ, તમામ સરકારી યોજનાઓ નમો લક્ષ્મી, નમો સરસ્વતી,NMMS, CET , SSE,TST નો શાળા ચિતાર આપવામાં આવેલ તથા ડ્રોપ આઉટ સર્વેથી માંડીને તમામ વિધાર્થી લક્ષી કામગીરી તથા શાળાના લક્ષ્યાંકો ની વિગતવાર વાત મુકેલ. ત્યારબાદ સચિવ લોચન સહેરા ની તથા મહાનુભાવોની વિશેષ ઉપસ્થિતિમાં નવીન પ્રવેશ વિદ્યાર્થીઓને શૈક્ષણિક કીટ અર્પણ કરીને તથા શુભેચ્છાઓ પાઠવી તથા શાળા પરિવાર દ્વારા નવીન પ્રવેશ પામેલ તમામ ધોરણ 9 અને 11 ના વિધાર્થીઓને કીટ અર્પણ અને ગુલાબની પુષ્પ પાંદડી વર્ષા થકી સ્વાગત કરી ઉષ્માભેર આવકાર્યા હતા. આ પ્રસંગે વિધાર્થીઓ , વાલીઓ અને શિક્ષકોમાં વિશેષ ઉત્સાહ જોવા મળ્યો હતો. ત્યારબાદ શાળામાં વિશેષ સિધ્ધિ NMMS, જ્ઞાન સાધના , SSC/HSC પ્રથમ, રાજ્ય કક્ષાએ અવ્વલ બદલ સન્માનિત કરવામાં આવેલ, શાળાના શિક્ષિકા મનીષાબેને શાળાને એક સ્માર્ટ વર્ગ અનુદાન બદલ સન્માનિત કરવામાં આવ્યા.
પ્રગતિના પ્રવેશોત્સવ 2026માં સચિવ લોચન સહેરા જણાવ્યું હતું કે, શિક્ષણ એ પાયાની કેળવણી છે. દેશમાં અભ્યાસ કરીને અન્ય દેશમાં કે રોજગારી ક્ષેત્રમાં આગળ વધવા માટે ઇનોવેટિવ અને વોકેશનલ ટ્રેડ પણ એટલા જ મહત્વના છે આવનાર વિકસિત ભારત 2047 ના સાચા સાક્ષી આપ બનવાના છો ત્યારે આપ સૌ સારા શિક્ષણ સાથે આગળ ધપો. છેલ્લા બે દાયકામાં રાજ્યમાં શાળા છોડનાર વિદ્યાર્થીઓનો દર નોંધપાત્ર રીતે ઘટ્યો છે.
કાર્યક્રમ દરમિયાન મહાનુભાવોએ વિદ્યાર્થીઓને શિક્ષણના મહત્વ વિશે માર્ગદર્શન આપ્યું હતું તેમજ નિયમિત અભ્યાસ અને સર્વાંગી વિકાસ માટે પ્રેરણા આપી હતી.
SMDC સભ્યો,વાલીઓ, સ્થાનિક આગેવાનો અને શાળા પરિવારના સૌ સ્ટાફ સભ્યોની ઉપસ્થિતિમાં કાર્યક્રમ સફળતાપૂર્વક સંપન્ન થયો હતો.
કાર્યક્રમના અંતે સચિવ, પ્રાંત અધિકારી, કેમ્પસ સંચાલક ડૉ.જય ધ્રુવ ઉપરાંત મહાનુભાવોના હસ્તે વૃક્ષારોપણ કરવામાં આવ્યું ત્યારબાદ શાળા પરિસર મુલાકાત અને શાળા રિપોર્ટ કાર્ડ અને શાળાની વિશેષ બાબતોની માહિતી મેળવી હતી ઉપરાંત વોકેશનલ શિક્ષણ પર ભાર મૂકવા ધ્યાન દોરેલ. સમગ્ર કાર્યક્રમના કન્વીનર તરીકેની જવાબદારીનું વહન મહેશભાઈ ઠાકોર તથા મનિષાબેન ખત્રીએ કરેલ. સમગ્ર કાર્યક્રમને સફળ બનાવવા બદલ શાળાના આચાર્ય, શાળા કોર્ડિનેટર, બને સુપરવાઈઝર , તમામ શૈક્ષણિક અને બિન શૈક્ષણિક સ્ટાફનને કેમ્પસ સંચાલક ડો.જય ધ્રુવ એ આભાર વ્યક્ત કરી તમામ સ્ટાફ પરિવારને અભિનંદન પાઠવ્યા હતા.
