રાધનપુર માર્કેટ યાર્ડમાં ભાજપનો દબદબો યથાવત.
બાબુભાઈ ચૌધરી ચેરમેન અને લાખાભાઈ રબારી વાઈસ ચેરમેન બિનહરીફ વરાયા
કેપિટલ મેસેજ, ન્યુઝ
રાધનપુર કૃષિ ઉત્પાદન બજાર સમિતિમાં ચેરમેન અને વાઈસ ચેરમેનની વરણીની પ્રક્રિયા શાંતિપૂર્ણ અને સર્વસંમતિથી પૂર્ણ થઈ હતી. બેઠકમાં હાજર તમામ 16 ડિરેક્ટરની ઉપસ્થિતિમાં બાબુભાઈ ચૌધરીને ચેરમેન તથા લાખાભાઈ રબારીને વાઈસ ચેરમેન તરીકે બિનહરીફ રીતે વરણી કરવામાં આવી હતી.
ચૂંટણીમાં અન્ય કોઈ ઉમેદવાર મેદાનમાં ન આવતા વરણીની પ્રક્રિયા સરળતાથી પૂર્ણ થઈ હતી. તમામ ડિરેક્ટરોએ ભારતીય જનતા પાર્ટીના મેનડેટને માન્યતા આપતાં નવા પ્રમુખ મંડળને સર્વસંમતિથી સ્વીકાર્યું હતું.
નવી ટીમની પસંદગી સાથે માર્કેટ યાર્ડના સંચાલનમાં સતતતા જળવાઈ રહે તેવી આશા વ્યક્ત કરવામાં આવી હતી. ખેડૂત અને વેપારી વર્ગને લગતા મુદ્દાઓના ઝડપી નિવારણ અને વિકાસલક્ષી કામોને આગળ વધારવા નવા હોદેદારોએ પ્રતિબદ્ધતા વ્યક્ત કરી હતી.રાધનપુર માર્કેટ યાર્ડમાં બનેલી આ બિનહરીફ વરણી સ્થાનિક રાજકીય અને કૃષિ વેપાર ક્ષેત્રે મહત્વપૂર્ણ ગણાઈ રહી
રિપોર્ટ: અનિલ રામાનુજ રાધનપુર, પાટણ
