સમી :ચાર મહિનાથી ફરાર પ્રોહિબિશનના ગુનાનો આરોપી સમી પોલીસના હાથે ઝડપાયો
શંખેશ્વર પોલીસ સ્ટેશનમાં નોંધાયેલા પ્રોહિબિશનના ગુનામાં કોર્ટના વોરંટ આધારે કાર્યવાહી, આરોપીને આગળની કાર્યવાહી માટે શંખેશ્વર પોલીસને સોંપાયો
કેપિટલ મેસેજ, ન્યુઝ
More Read
Capital message
સમી : પાટણ જિલ્લામાં નાસતા-ફરતા અને ગુનાહિત પ્રવૃત્તિમાં સંડોવાયેલા આરોપીઓ સામે પોલીસ દ્વારા સતત કાર્યવાહી હાથ ધરવામાં આવી રહી છે. બનાસકાંઠા રેન્જના પોલીસ મહાનિરીક્ષક પરીક્ષિતા રાઠોડ તથા પાટણ જિલ્લા પોલીસ અધિક્ષક વી.કે. નાયીના માર્ગદર્શન હેઠળ જિલ્લામાં ફરાર આરોપીઓને ઝડપી પાડવા માટે વિશેષ અભિયાન ચલાવવામાં આવી રહ્યું છે.
આ અભિયાનના ભાગરૂપે રાધનપુર વિભાગના ઇન્ચાર્જ નાયબ પોલીસ અધિક્ષક કૃણાલસિંહ એલ. પરમારના માર્ગદર્શન હેઠળ સમી પોલીસ સ્ટેશનના ઇન્ચાર્જ પોલીસ ઇન્સ્પેક્ટર એ.પી. જાડેજા અને તેમની ટીમ નાસતા-ફરતા આરોપીઓની શોધખોળમાં હતી.
દરમિયાન બાતમીના આધારે શંખેશ્વર પોલીસ સ્ટેશનમાં નોંધાયેલા પ્રોહિબિશનના ગુનામાં છેલ્લા ચાર મહિનાથી ફરાર ચાલતા આરોપી દેવેન્દ્રસિંહ ઉર્ફે દેવુભા શિવાજી સોલંકી (રહે. કુંપટ, તા. ડીસા, જી. બનાસકાંઠા) ને તા. 5 જુલાઈ, 2026ના રોજ સમી વિસ્તારમાંથી ઝડપી પાડવામાં આવ્યો હતો.
આરોપી સામે શંખેશ્વર પોલીસ સ્ટેશનમાં પ્રોહિબિશન એક્ટની કલમ 65(એ)(ઇ), 116બી, 81 અને 83 હેઠળ ગુનો નોંધાયેલ હતો. આરોપી લાંબા સમયથી ફરાર હોવાથી શંખેશ્વર કોર્ટ દ્વારા બી.એન.એસ.એસ. કલમ-72 મુજબ ધરપકડ વોરંટ પણ જારી કરવામાં આવ્યું હતું.
સમી પોલીસે કોર્ટના વોરંટના આધારે આરોપીની સફળતાપૂર્વક ધરપકડ કરી તેને વધુ કાયદેસરની કાર્યવાહી માટે શંખેશ્વર પોલીસ સ્ટેશનને સોંપી દીધો છે.
આ સમગ્ર કામગીરીમાં ઇન્ચાર્જ પોલીસ ઇન્સ્પેક્ટર એ.પી. જાડેજા, એએસઆઈ અરવિંદભાઈ પેથાભાઈ, આસિસ્ટન્ટ હેડ કોન્સ્ટેબલ જગદીશભાઈ પરબતભાઈ તથા આસિસ્ટન્ટ હેડ કોન્સ્ટેબલ ભરતજી કુંવરજીએ મહત્વની ભૂમિકા ભજવી હતી.
રિપોર્ટ : અનિલ રામાનુજ, રાધનપુર, પાટણ
