સ્થાનિક સ્વરાજ ચૂંટણી માટે તંત્ર તૈયાર:143 મતદાન મથકો પર ટીમો રવાના!
ડભોઈ સ્થાનિક સ્વરાજ્યની ચૂંટણી માટે તંત્ર સજ્જ; 143 મતદાન મથકો પર ચૂંટણી ટુકડીઓ રવાના
કેપિટલ મેસેજ, ન્યુઝ
Capital message
ડભોઈ સ્થાનિક સ્વરાજ્યની ચૂંટણીના પડઘમ વાગી રહ્યા છે ત્યારે ડભોઈ નગરપાલિકા, તાલુકા પંચાયત અને વડોદરા જિલ્લા પંચાયતની આગામી 26 એપ્રિલના રોજ યોજાનારી ચૂંટણી માટે વહીવટી તંત્ર દ્વારા તમામ તૈયારીઓ પૂર્ણ કરી દેવામાં આવી છે ચૂંટણી પ્રક્રિયા અને સ્ટાફની ફાળવણી
મુખ્ય ચૂંટણી અધિકારી ગીતાબેન દેસાઈના જણાવ્યા અનુસાર, ડભોઈ નગરપાલિકા અને જિલ્લા અને પંચાયતોની ચૂંટણી માટે કુલ 143 મતદાન મથકો નક્કી કરવામાં આવ્યા છે. 25 એપ્રિલના રોજ તમામ મતદાન ટુકડીઓને જરૂરી સામગ્રી સાથે નિર્ધારિત બુથ પર રવાના કરવામાં આવી છે. અગાઉ તમામ કર્મચારીઓને ચૂંટણીલક્ષી સઘન તાલીમ આપવામાં આવી હતી અને EVM મશીનોને સીલ કરવાની પ્રક્રિયા પણ નિષ્ણાતોની દેખરેખ હેઠળ પૂર્ણ કરવામાં આવી છે.
ચુસ્ત પોલીસ બંદોબસ્ત ચૂંટણી પ્રક્રિયા સંપૂર્ણપણે શાંતિપૂર્ણ અને નિષ્પક્ષ વાતાવરણમાં સંપન્ન થાય તે માટે સુરક્ષા વ્યવસ્થાને લઈને વિશેષ તકેદારી રાખવામાં આવી છે.700 થી વધુ પોલીસ જવાનો અને હોમગાર્ડનો સ્ટાફ તૈનાત રહેશે.ઉચ્ચ પોલીસ અધિકારીઓ સતત પેટ્રોલીંગ દ્વારા સંવેદનશીલ મથકો પર નજર રાખશે.
મતદારો માટે વિશેષ સુવિધાઓ
ઉનાળાની ગરમી અને મતદારોની સગવડને ધ્યાને રાખીને વહીવટી તંત્ર દ્વારા વિશેષ વ્યવસ્થાઓ ઊભી કરવામાં આવી છે:
આરોગ્ય સુવિધા: દરેક બુથ પર એક એમ્બ્યુલન્સ અને આરોગ્યની ટીમ ખડેપગે રહેશે દિવ્યાંગો માટે સહાય: દિવ્યાંગ ભાઈ-બહેનો સરળતાથી મતદાન કરી શકે તે માટે દરેક કેન્દ્ર પર વ્હીલ ચેરની સુવિધા ઉપલબ્ધ કરાવાઈ છે.પીવાના પાણીની વ્યવસ્થા: કાળઝાળ ગરમીને જોતા તમામ 143 મથકો પર શુદ્ધ પીવાના પાણીની વ્યવસ્થા કરવામાં આવી છે વહીવટી નેતૃત્વ આ સમગ્ર ચૂંટણી પ્રક્રિયાને સુવ્યવસ્થિત રીતે પાર પાડવા માટે જિલ્લા ચૂંટણી અધિકારી, ડભોઈ નગરપાલિકા ચૂંટણી અધિકારી અને મદદનીશ ચૂંટણી અધિકારીઓ સતત દેખરેખ રાખી રહ્યા છે. તંત્ર દ્વારા નાગરિકોને નિર્ભય થઈને અને વધુમાં વધુ સંખ્યામાં મતદાન કરવા અપીલ કરવામાં આવી છે.
રિપોર્ટ : ફઝલ રઝાક ખત્રી, ડભોઈ
