પાટણ શહેર બલોચ મકરાણી સમાજ દ્વારા તાહેરીયા શાળા હોલ, મુલ્લાવાડ, પાટણ ખાતે બીજા ઈનામી જલ્સા અને સન્માન સમારોહનું ભવ્ય આયોજન કરવામાં આવ્યું હતું.
કેપિટલ મેસેજ, ન્યુઝ
Capital message
પાટણ: કાર્યક્રમ ની શરૂઆત મૌલાના સલમાન બલોચ સાહાબ દ્વારા કુઑન ની તીલાવત થી કરવામાં આવી હતી આયોજન સમાજના પ્રમુખ હસનખા બલોચ તથા ઉપપ્રમુખ ગુલાબખાન બલોચ (108) ના માર્ગદર્શન હેઠળ સમાજના અગ્રણીઓ, વડીલો અને યુવા મિત્રોના સહયોગથી સફળતાપૂર્વક સંપન્ન થયું.
આ કાર્યક્રમમાં પાટણ ઉપરાંત સૌરાષ્ટ્ર, બનાસકાંઠા અને સાબરકાંઠા સહિતના વિસ્તારોમાંથી મોટી સંખ્યામાં મહેમાનો ઉપસ્થિત રહ્યા હતા. મહેમાનોએ વિદ્યાર્થીઓને શિક્ષણનું મહત્વ સમજાવ્યું, જીવનમાં આગળ વધવા માટે પ્રેરણા આપી અને ઉજ્જવળ ભવિષ્ય માટે માર્ગદર્શન પૂરું પાડ્યું. ઉપસ્થિત આલીમોએ પણ દીની તાલીમનું મહત્વ સમજાવી બાળકોમાં સારા સંસ્કારો અને શિક્ષણ પ્રત્યે ઉત્સાહ વધાર્યો.
સમસ્ત ઓલ ગુજરાત બલોચ મકરાણી સમાજના પ્રમુખ જનાબ જહાંગીરખાન બલોચ (નિવૃત્ત મામલતદાર) એ પોતાના સંબોધનમાં શિક્ષણને સર્વોચ્ચ પ્રાથમિકતા આપવાની અપીલ કરી હતી. તેમણે સમગ્ર સમાજને એકતા જાળવી અનાવશ્યક ખર્ચ, ખોટી પ્રથાઓ અને દેખાડાથી દૂર રહી સાદગીપૂર્વક લગ્ન સહિતના પ્રસંગો ઉજવવા તેમજ સમૂહ લગ્નને પ્રોત્સાહન આપી થતી બચત બાળકોના શિક્ષણ અને ભવિષ્ય માટે ઉપયોગમાં લેવાની હાકલ કરી.
ગુજરાત રાજ્ય પોલીસના ડીવાયએસપી મુસ્તુફાખાન મકરાણી સાહેબે પણ સમાજમાં એકતા, શિક્ષણ અને સંસ્કારનું મહત્વ સમજાવ્યું. તેમણે વાલીઓને બાળકોના મોબાઇલના ઉપયોગ પર યોગ્ય નિયંત્રણ રાખી તેમના અભ્યાસ પર વિશેષ ધ્યાન આપવા અનુરોધ કર્યો.
કાર્યક્રમ દરમિયાન હાફિઝ અને આલીમ સાહેબોનું એવોર્ડ અને સન્માનપત્ર આપી સન્માન કરવામાં આવ્યું. તેમજ આશરે 40 થી 45 વિદ્યાર્થી-વિદ્યાર્થીનીઓને મુખ્ય મહેમાનોના હસ્તે એવોર્ડ, ચોપડા અને પેન આપી સન્માનિત કરવામાં આવ્યા.
આ સમગ્ર કાર્યક્રમને સફળ બનાવવામાં સમાજના દાતાશ્રીઓએ ઉદાર હાથે દાન આપ્યું તેમજ યુવાનો અને વડીલોએ ભારે જહેમત ઉઠાવી હતી.
કાર્યક્રમમાં ન્યાલખાન કે.બલોચ સામાજીક અગ્રણી રહીમખાન બલોચ (ધનજી મનજી), હુસેનખાન બલોચ (એડવોકેટ, પાટણ), યાસીનખાન બલોચ (એડવોકેટ, બાસ્પા), રહીમખાન બલોચ (એડવોકેટ), ઈમરાનખાન બલોચ (એડવોકેટ, હિંમતનગર), મહંમદખાન બલોચ (ગજાનંદ પેઢી, પાટણ), યુનુસખાન મકરાણી (એ.એસ.આઈ., પાલનપુર), ઉમરફારૂક ખાન બલોચ નુરાભાઈ બલોચ યુસુફખાન બલોચ સેક્રેટરી સહિત અનેક આગેવાનો અને મહેમાનોએ હાજરી આપી કાર્યક્રમની શોભામાં વધારો કર્યો.
કાર્યક્રમના અંતે ઉપપ્રમુખ ગુલાબખાન બલોચ 108 એ તમામ નો આભાર હૃદયપૂર્વક વ્યક્ત કરવામાં આવ્યો હતો.
