ડભોઇ માર્ચમાં જ વૈશાખ જેવી ગરમી, બપોરના સમયે હાઇવે અને બજારોમાં લોકડાઉન જેવી સ્થિતિ
કેપિટલ મેસેજ, ન્યુઝ
ડભોઇ: સમગ્ર ગુજરાત સાથે ડભોઇ શહેર અને તાલુકામાં પણ ઉનાળાની શરૂઆતમાં જ ગરમીએ પોતાનું રૌદ્ર સ્વરૂપ બતાવવાનું શરૂ કરી દીધું છે. કાળઝાળ ગરમી અને લૂના કારણે જનજીવન પર વ્યાપક અસર જોવા મળી રહી છે. ગરમીનો પારો આસમાને પહોંચતા ડભોઇના મુખ્ય માર્ગો અને બજારો બપોરના સમયે સુમસામ ભાસી રહ્યા છેબપોરે ૧૨ થી ૪ સ્વયંભૂ સંચારબંધી જેવો માહોલ
ડભોઇ નગરમાં ગરમી એટલી પ્રચંડ છે કે નગરજનો બપોરે ૧૨ થી ૪ વાગ્યા દરમિયાન ઘરની બહાર નીકળવાનું ટાળી રહ્યા છે. ડભોઇના વ્યસ્ત ગણાતા બજારોમાં પણ ગ્રાહકોની અવરજવર નહિવત થઈ ગઈ છે. માત્ર બજારો જ નહીં, પરંતુ ડભોઇને જોડતા મુખ્ય હાઈવે પર પણ વાહનોની અવરજવર ઓછી જોવા મળી રહી છે, જેના કારણે રસ્તાઓ પર સન્નાટો છવાઈ ગયો છેઠંડા પીણાં અને શેરડીના રસની જમાવટગરમીથી બચવા માટે લોકો હવે દેશી ઉપચારો અને ઠંડા પીણાંનો સહારો લઈ રહ્યા છેશેરડીનો રસ: શહેરના વિવિધ નાકા પર આવેલા શેરડીના રસના ચિચોડા પર લોકોની ભીડ જોવા મળે છેલીંબુ શરબત અને છાસ: ડિહાઇડ્રેશનથી બચવા માટે લોકો લીંબુ શરબત અને ઠંડી છાસનો મહત્તમ ઉપયોગ કરી રહ્યા છે.
ઈન્ડોર એક્ટિવિટી: બપોરના સમયે અસહ્ય તાપ હોવાથી લોકો ઘરમાં રહીને જ સમય પસાર કરવાનું પસંદ કરી રહ્યા છે.
વેપારીઓમાં ચિંતા બપોરના સમયે બજારો સુમસામ રહેતા વેપારીઓના ધંધા-રોજગાર પર પણ અસર પડી રહી છે. ગરમીની શરૂઆતમાં જ જો આ હાલત હોય, તો એપ્રિલ અને મે મહિનામાં ગરમી કેવો પ્રકોપ મચાવશે તેને લઈને લોકોમાં અત્યારથી જ ચિંતા જોવા મળી રહી છે.
રિપોર્ટ : ફઝલ રઝાક ખત્રી,ડભોઈ
