ડભોઈ તાલુકાના કરનેટ વસાહતમાં ભયાનક આગ: ગરીબ પરિવારનું ઘર અને આજીવનની મૂડી બળીને ખાખ
કેપિટલ મેસેજ, ન્યુઝ
ડભોઈ તાલુકાના કરનેટ વસાહતમાં આજે એક હૃદયદ્રાવક ઘટના સામે આવી છે. અહીં રહેતા એક શ્રમિક પરિવારના મકાનમાં અચાનક વિકરાળ આગ ફાટી નીકળતા ઘરવખરી સહિત લાખોની મત્તા બળીને ખાખ થઈ ગઈ છે. જૂની બાંધણીનું લાકડાનું મકાન હોવાથી આગે જોતજોતામાં રૌદ્ર સ્વરૂપ ધારણ કરી લીધું હતું.કરનેટ વસાહતમાં રહેતા ઝીણાભાઈ વેચાણભાઈ વસાવાના મકાનમાં આજે એકાએક આગ લાગી હતી.
પ્રાથમિક અનુમાન મુજબ, આ આગ શોર્ટ સર્કિટના કારણે લાગી હોવાનું મનાઈ રહ્યું છે. મકાન જૂના પ્રકારનું અને સંપૂર્ણપણે લાકડાનું બનેલું હોવાથી આગ ખૂબ જ ઝડપથી ફેલાઈ ગઈ હતી.
More Read
ભારે નુકસાન અને અફરાતફરી: માલ-સામાનનો સફાયો: ઘરમાં રહેલી તમામ ઘરવખરી, અનાજ અને કપડાં બળી ગયા છે.
રોકડ રકમ રાખ: ગરીબ પરિવારે પોતાની મહેનતની જે રોકડ રકમ ઘરમાં સાચવી રાખી હતી, તે પણ આ આગની લપેટમાં આવી ગઈ હતી.ગ્રામજનોની જહેમત: આગ લાગતા જ પડોશમાં રહેતા લોકો દોડી આવ્યા હતા અને ડોલ અને પાઈપ દ્વારા પાણીનો મારો ચલાવી આગને વધતી અટકાવવાનો પ્રયાસ કર્યો હતો.
More Read
ફાયર બ્રિગેડની કામગીરી: ડભોઈ નગરપાલિકાના ફાયર બ્રિગેડને આ અંગે તુરંત જાણ કરવામાં આવી હતી. ફાયર ફાઈટર પણ ઘટનાસ્થળે સમયસર પહોંચી ગયા હતા અને આગ પર સંપૂર્ણ કાબુ મેળવ્યો હતો. જોકે, ફાયર ફાઈટર પહોંચે તે પૂર્વે જ આખું લાકડાનું મકાન બળીને ખાખ થઈ ગયું હતું.
નુકસાનનું તારણ આ આગમાં ગરીબ પરિવારને લાખો રૂપિયાનું નુકસાન થયું હોવાનું સામે આવ્યું છે. પરિવારના માથે અત્યારે આસરો છીનવાઈ જવાની આફત આવી પડી છે.
રિપોર્ટ: ફઝલ રઝાક ખત્રી, ડભોઈ
