શાળાઓમાં ઉનાળુ વેકેશનનો પ્રારંભ: કાળઝાળ ગરમી વચ્ચે બાળકોમાં ખુશીનો માહોલ
ડભોઈ અને પંથકની શાળાઓમાં ઉનાળુ વેકેશનનો પ્રારંભ: કાળઝાળ ગરમી વચ્ચે બાળકોમાં ખુશીનો માહોલ, શેરીઓ ક્રિકેટના રણકારથી ગુંજી ઊઠી
કેપિટલ મેસેજ, ન્યુઝ
More Read
Capital message
ડભોઇ નગર સહિત સમગ્ર તાલુકાની પ્રાથમિક અને માધ્યમિક શાળાઓમાં સત્તાવાર રીતે ઉનાળુ વેકેશનનો પ્રારંભ થઈ ચૂક્યો છે નિયમ અનુસાર આ વર્ષે શાળાઓમાં ૩૫ દિવસનું ઉનાળુ વેકેશન જાહેર કરવામાં આવ્યું છે, જે અંતર્ગત આગામી ૭મી જૂન સુધી શાળાઓ બંધ રહેશે અને ૮મી જૂનથી નવા શૈક્ષણિક સત્રનો પ્રારંભ થશે મોબાઈલ યુગ વચ્ચે પણ શેરી રમતોનો ક્રેઝ: IPLના ફીવર વચ્ચે જામી ક્રિકેટની સજાવટ આજના આધુનિક અને ટેકનોલોજીના યુગમાં મોટાભાગના બાળકો મોબાઈલ ગેમ્સ અને સોશિયલ મીડિયા પાછળ સમય વિતાવતા હોય છે પરંતુ ડભોઈમાં વેકેશન પડતાં જ એક જુદો જ નજારો જોવા મળી રહ્યો છે. ડભોઇ નગર અને ગ્રામ્ય વિસ્તારની ગલીઓ તથા શેરીઓમાં બાળકો ડિજિટલ સ્ક્રીન છોડીને મેદાનમાં ઉતરી આવ્યા છે. હાલમાં દેશભરમાં આઈપીએલ (IPL) ક્રિકેટની ધૂમ ચાલી રહી છે, જેની સીધી અસર નાના બાળકો પર જોવા મળી રહી છે.
ડભોઇની શેરીએ-શેરીએ નાના ભૂલકાઓ હાથમાં બેટ અને બોલ લઈને ક્રિકેટ રમતા અને ચોગ્ગા-છગ્ગાની રમઝટ બોલાવતા નજરે પડી રહ્યા છે પરંપરાગત રમતોનું આકર્ષણ અને મોસાળની સફર
માત્ર ક્રિકેટ જ નહીં વેકેશન ખુલતાં જ બાળપણની પરંપરાગત રમતો જેવી કે લખોટી, ગિલ્લી-દંડા, દોરડા કૂદવા, ચક્કર, ખો-ખો અને લંગડી જેવી દેશી રમતો પણ ક્યાંક ક્યાંક જોવા મળી રહી છે. આ ઉપરાંત, વેકેશન પડતાની સાથે જ ઘણા બાળકો પોતાના મામાના ઘરે કે સગા-સંબંધિઓને ત્યાં ફરવા જવા માટે રવાના થઈ ગયા છે, જ્યાં તેઓ પિતરાઈ ભાઈ-બહેનો સાથે મળીને વેકેશનનો ભરપૂર આનંદ લૂંટી રહ્યા છે.
કાળઝાળ ગરમીને કારણે નવું સત્ર મોડું શરૂ થવાની શક્યતા સામાન્ય રીતે દર વર્ષે ઉનાળુ વેકેશન મે મહિનાથી શરૂ થઈને જૂનના પ્રથમ સપ્તાહ સુધી ચાલતું હોય છે. પરંતુ આ વર્ષે ડભોઈ સહિત સમગ્ર પંથકમાં ગરમીનો પારો ખૂબ ઊંચો રહ્યો છે અને અસહ્ય લૂ વહી રહી છે. વર્તમાન કાળઝાળ ગરમીની પરિસ્થિતિને જોતાં, વાલીઓ અને સ્થાનિક સ્તરે એવી પણ ચર્ચા જાગી છે કે જો જૂન મહિનાની શરૂઆતમાં પણ આવી જ ગરમી ચાલુ રહેશે, તો બાળકોના સ્વાસ્થ્યને ધ્યાનમાં રાખીને વહીવટી તંત્ર દ્વારા નવું શૈક્ષણિક સત્ર થોડું મોડું શરૂ કરવામાં આવે તેવી સંભાવનાઓ દેખાઈ રહી છે.હાલ તો, ભણતરના ભારથી મુક્ત થયેલા ડભોઇના બાળકો ગરમીની પરવા કર્યા વગર શેરીઓમાં ધમાલ-મસ્તી અને રમતો રમીને પોતાના વેકેશનને યાદગાર બનાવી રહ્યા છે.
રિપોર્ટ :- ફઝલ રઝાક ખત્રી, ડભોઈ
