પાટણ જિલ્લામાં રાધનપુરના વડનગરની સૈનિક સ્કૂલ ફૂટબોલ ચેમ્પિયનશિપ જીતી- પ્રથમ નંબર મેળવ્યો
કેપિટલ મેસેજ, ન્યુઝ
Capital message
પાટણ જિલ્લામાં ફરી ગાજ્યું સૈનિક સ્કૂલ રાધનપુરનું નામ-ફાઇનલ મુકાબલામાં પાટણની મજબૂત ટીમને 2-0થી પરાજિત કરીને જિલ્લા ચેમ્પિયનનો ખિતાબ પોતાના નામે કર્યો છે.
અંડર-17 ફૂટબોલ સ્પર્ધામાં પાટણને 2-0થી હરાવી જિલ્લા ચેમ્પિયન બન્યું; જિલ્લામાં નંબર-1નું ગૌરવ યથાવત રાખ્યું
પાટણ : રમતગમત વિભાગ દ્વારા આયોજિત પાટણ જિલ્લા કક્ષાની અંડર-17 ફૂટબોલ સ્પર્ધામાં શ્રી વિવેકાનંદ વિકાસ મંડળ સંચાલિત સૈનિક સ્કૂલ, રાધનપુરે પોતાની રમતિયાળ પરંપરાને વધુ એક વખત ગૌરવ અપાવ્યું છે. સમગ્ર સ્પર્ધા દરમિયાન અદભૂત રમત, શિસ્ત અને ટીમવર્કનું પ્રદર્શન કરનાર સૈનિક સ્કૂલની ટીમે ફાઇનલ મુકાબલામાં પાટણની મજબૂત ટીમને 2-0થી પરાજિત કરીને જિલ્લા ચેમ્પિયનનો ખિતાબ પોતાના નામે કર્યો છે.
સ્પર્ધાની શરૂઆતથી જ સૈનિક સ્કૂલના ખેલાડીઓએ આક્રમક રમત, મજબૂત સંરક્ષણ અને ઝડપી પાસિંગના આધારે દરેક મેચમાં વિરોધી ટીમો પર પ્રભુત્વ જમાવ્યું હતું. ફાઇનલમાં પણ ખેલાડીઓએ ઉત્તમ સંકલન અને આત્મવિશ્વાસ સાથે રમતાં પાટણની ટીમને કોઈ તક ન આપી યાદગાર વિજય નોંધાવ્યો હતો. આ જીત સાથે સૈનિક સ્કૂલ રાધનપુરે ફરી એકવાર સાબિત કર્યું છે કે રમતગમત ક્ષેત્રે તે પાટણ જિલ્લાના અગ્રણી અને નંબર-1 સંસ્થાઓમાં સ્થાન ધરાવે છે.
More Read
આ ગૌરવપૂર્ણ સિદ્ધિ બદલ સંસ્થાના પ્રમુખ પરબતભાઈ ચૌધરી, મંત્રી દશાભાઈ પટેલ, ટ્રસ્ટી મંડળ, હોદ્દેદારો, આચાર્ય, શિક્ષકગણ અને સ્ટાફે વિજેતા ખેલાડીઓ તથા કોચને હાર્દિક અભિનંદન પાઠવ્યા હતા. તેમણે જણાવ્યું હતું કે વિદ્યાર્થીઓની મહેનત, કોચનું માર્ગદર્શન અને સંસ્થાના સતત પ્રોત્સાહનના પરિણામે આ ભવ્ય સફળતા પ્રાપ્ત થઈ છે. સાથે જ રાજ્ય અને રાષ્ટ્રીય કક્ષાની સ્પર્ધાઓમાં પણ શ્રેષ્ઠ પ્રદર્શન કરીને સંસ્થાનું તથા પાટણ જિલ્લાનું નામ વધુ ઉજ્જવળ બનાવવાની શુભેચ્છા પાઠવી હતી.
સૈનિક સ્કૂલ રાધનપુર માત્ર શિક્ષણ ક્ષેત્રે જ નહીં પરંતુ રમતગમત, શિસ્ત, વ્યક્તિત્વ વિકાસ અને સર્વાંગી ઘડતરમાં પણ આગવી ઓળખ ધરાવે છે. છેલ્લા કેટલાક વર્ષોમાં ફૂટબોલ સહિત વિવિધ રમતોમાં વિદ્યાર્થીઓએ સતત નોંધપાત્ર સફળતા મેળવી છે. જિલ્લા ચેમ્પિયનશિપનો આ વિજય સમગ્ર રાધનપુર પંથક માટે ગૌરવની ક્ષણ બની છે અને વિદ્યાર્થીઓમાં નવી પ્રેરણા જગાવી છે.વૈકલ્પિક મજબૂત
રિપોર્ટ. અનિલ રામાનુજ, પાટણ
