કલેકટર તુષાર ભટ્ટના અધ્યક્ષસ્થાને જિલ્લા સંકલન સહ ફરિયાદ નિવારણ સમિતિની બેઠક યોજાઇ
ધારાસભ્યઓ દ્વારા કરાયેલી રજુઆતોનું નિરાકરણ લાવવા કલેકટરએ સંબધિત અધિકારીઓને તાકીદ કરી
કેપિટલ મેસેજ, ન્યુઝ
પાટણ જિલ્લા સેવા સદનના કોન્ફરન્સ હોલ ખાતે જિલ્લા કલેકટર તુષાર ભટ્ટના અધ્યક્ષસ્થાને જિલ્લા સંકલન સહ ફરીયાદ નિવારણ સમિતિની બેઠક યોજાઇ હતી. જેમાં વિવિધ મુદ્દાઓને લઇને વિસ્તૃત ચર્ચા કરવામાં આવી હતી.
બેઠકમાં ધારાસભ્યઓ દ્વારા કરેલી રજૂઆતનું તાત્કાલિક નિવારણ લાવવા જિલ્લા કલેકટર તુષાર ભટ્ટ દ્વારા સંબધિત વિભાગના અધિકારીઓને સૂચન કરવામાં આવ્યું હતું. ઉપરાંત વિવિધ વિભાગોને લોકો તરફથી મળેલ અરજીઓ અને પ્રશ્નોની જિલ્લા કલેકટર દ્વારા સમીક્ષા કરવામાં આવી હતી.
બેઠકમાં આવેલી રજૂઆતો અને પ્રશ્નોની સમીક્ષા કરી કલેકટરએ જે તે વિભાગના અધિકારીઓને જરૂરી સૂચન કરી પ્રશ્નોનું ઝડપી નિરાકરણ લાવવા આદેશ કર્યા હતા. તેમજ પ્રાથમિક શાળામાં બાળકોને પૂરતું ભોજન આપવા તેમજ શાળાના શૌચાલયોમાં સ્વચ્છતા રાખવા કલેકટરએ તાકીદ કરી હતી.
બેઠકમાં જિલ્લા પંચાયત પ્રમુખ હેતલબેન ઠાકોર, ધારાસભ્ય સર્વએ કિરીટ પટેલ, લવિંગજી ઠાકોર, ઇન્ચાર્જ અધિક કલેકટર હિરેન ચૌહાણ, સિદ્ધપુર ડીવાયએસપી, પ્રાંત અધિકારીઓ સહિત સંબંધિત તમામ વિભાગના અધિકારીઓ ઉપસ્થિત રહ્યા હતા.
