પાટણ એલ.સી.બી.ની મોટી કાર્યવાહી : બટાકાની આડ માંથી વિદેશી દારૂનો જથ્થો ઝડપાયો, એક આરોપી ઝડપાયો
કેપિટલ મેસેજ, ન્યુઝ
પાટણ જિલ્લામાં પ્રોહિબિશનના ગુનાઓ સામે કડક કાર્યવાહી અંતર્ગત એલ.સી.બી. પાટણે નોંધપાત્ર સફળતા મેળવી છે. સિદ્ધપુર પોલીસ સ્ટેશન વિસ્તારમાંથી બટાકાની આડમાં ભારતીય બનાવટના વિદેશી દારૂનો મોટો જથ્થો ઝડપાયો છે. પોલીસે કુલ રૂ.૫૬,૨૩,૨૧૦ નો મુદ્દામાલ કબ્જે કર્યો છે.
પોલીસ મહાનિરીક્ષક ચિરાગ કોરડીયા (સરહદી રેન્જ, ભુજ) તથા પોલીસ અધિક્ષક વી.કે.નાથી ના માર્ગદર્શન હેઠળ એલ.સી.બી. ટીમ પ્રોહિબિશન ડ્રાઇવમાં કાર્યરત હતી. તા. ૧૮/૧૯-૦૨-૨૦૨૬ ની રાત્રે મળેલી બાતમીના આધારે ટીમે હાઇવે પર વોચ ગોઠવી કાર્યવાહી હાથ ધરી હતી.
More Read
ટ્રક રોકી તપાસ કરતાં ભાંડો ફૂટ્યો નેશનલ હાઇવે પર પાલનપુર તરફથી મહેસાણા તરફ જતી ટ્રક નં. RJ-19-GK-4666 ને સુજાણપુર પાટિયા નજીક રોકી તપાસ કરવામાં આવી. તપાસ દરમ્યાન બટાકાના ૮૦ કટ્ટાઓની આડમાં છુપાવી રાખેલ ભારતીય બનાવટના વિદેશી દારૂની ૭,૮૧૨ બોટલ મળી આવી હતી.
દારૂની અંદાજિત કિંમત રૂ.૪૬,૦૨,૯૬૦ આંકવામાં આવી છે. પોલીસે ટ્રક ચાલકને ઝડપી પાડી તેની સામે સિદ્ધપુર પોલીસ સ્ટેશનમાં ગુનો દાખલ કર્યો છે.
More Read
ઝડપાયેલ આરોપી
પપ્પુરામ ઉર્ફે પવન સ/ઓ જેતારામ રાવતારામ જાટ
રહે. કાલાથલ, નવાતલા તા. પચપદરા, જિ. બાલોતરા, રાજસ્થાન
ફરાર આરોપીઓ
પ્રધાન જાટ – રહે. જોધપુર
મહેસાણા વિસ્તારના એક મોબાઇલ ધારક (શોધખોળ ચાલુ)
કબ્જે કરાયેલ મુદ્દામાલ
વિદેશી દારૂ બોટલ નંગ ૭,૮૧૨ – રૂ.૪૬,૦૨,૯૬૦
ટ્રક – રૂ.૧૦,૦૦,૦૦૦
બટાકાના કટ્ટા ૮૦ – રૂ.૮,૦૦૦
મોબાઇલ – રૂ.૧૦,૦૦૦
રોકડ – રૂ.૨,૨૫૦
આર.સી. બુક, ડ્રાઇવિંગ લાયસન્સ
કુલ મુદ્દામાલ : રૂ.૫૬,૨૩,૨૧૦
કામગીરીમાં જોડાયેલ ટીમ
આ કાર્યવાહી પોલીસ ઇન્સ્પેક્ટર આર.જી. ઉનાગર ના માર્ગદર્શન હેઠળ એલ.સી.બી. પાટણની ટીમ દ્વારા હાથ ધરાઈ હતી, જેમાં એચ.ડી. મકવાણા, એસ.બી. સોલંકી સહિતના અધિકારીઓ અને સ્ટાફ જોડાયા હતા.
