ખેતી બેંકના રાજા – ગણેશોત્સવ ૨૦૨૬
પ્રથમ દિવસે અમદાવાદના મેયર હિતેશભાઈ બારોટે શ્રી ગણેશજીની આરતી કરી અને “વિકસિત ભારત ૨૦૪૭”ના સંકલ્પમાં સહભાગી બન્યા
કેપિટલ મેસેજ
Capital message
અમદાવાદ: ખેતી બેંક દ્વારા દર વર્ષની પરંપરા અનુસાર આયોજિત પાંચ દિવસીય “સાર્વજનિક ખેતી બેંકના રાજા – ગણેશોત્સવ ૨૦૨૬”નો ભક્તિભાવપૂર્ણ અને ઉત્સાહભેર પ્રારંભ થયો છે. આ વર્ષના ગણેશોત્સવમાં દેશના યશસ્વી વડાપ્રધાન નરેન્દ્રભાઈ મોદીજીની ૨૫ વર્ષની અવિરત જનસેવા યાત્રા તથા કેન્દ્રીય ગૃહ અને સહકાર મંત્રી શ્રી અમિતભાઈ શાહના નેતૃત્વ હેઠળ સહકાર મંત્રાલયના પાંચ વર્ષના કાર્યકાળને વિશેષરૂપે પ્રસ્તુત કરવામાં આવ્યો છે.
ગણેશોત્સવના પ્રથમ દિવસે અમદાવાદના મેયર હિતેશભાઈ બારોટ ખેતી બેંકના ગણેશોત્સવની મુલાકાતે પધાર્યા હતા. તેમણે “ખેતી બેંકના રાજા” શ્રી ગણેશજીના દર્શન કરી ભાવપૂર્વક આરતી કરી તથા સૌના સુખ, સમૃદ્ધિ અને કલ્યાણ માટે પ્રાર્થના કરી હતી.
આ પ્રસંગે મેયર એ ગણેશોત્સવ ખાતે મૂકવામાં આવેલા “સેવા સંકલ્પ અભિયાન – વિકસિત ભારત ૨૦૪૭”ના QR કોડને સ્કેન કરી પોતાનો સંકલ્પ નોંધાવ્યો અને વિકસિત ભારત ૨૦૪૭ના રાષ્ટ્રનિર્માણના સંકલ્પમાં પોતાનું યોગદાન નોંધાવી જનભાગીદારીનો પ્રેરણાદાયી સંદેશ આપ્યો.
ખેતી બેંકના ચેરમેન ડોલર કોટેચાએ મેયર નું ઉષ્માભર્યું સ્વાગત કરતાં જણાવ્યું કે, “ગણેશોત્સવ માત્ર શ્રદ્ધા અને ભક્તિનો ઉત્સવ ન રહેતાં સેવા, સંકલ્પ અને રાષ્ટ્રનિર્માણની ભાવનાને જનજન સુધી પહોંચાડવાનું માધ્યમ બને તે ખેતી બેંકનો પ્રયાસ છે. વડાપ્રધાન નરેન્દ્રભાઈ મોદીજીની ૨૫ વર્ષની અવિરત જનસેવા યાત્રામાંથી પ્રેરણા મેળવી વધુમાં વધુ નાગરિકો QR કોડ સ્કેન કરીને ‘વિકસિત ભારત ૨૦૪૭’ માટે પોતાનો સંકલ્પ નોંધાવે તેવી અમારી અપીલ છે.”
મેયર હીતેશભાઈ બારોટે ખેતી બેંક દ્વારા ગણેશોત્સવને ભક્તિ સાથે સેવા, ખેડૂત કલ્યાણ અને રાષ્ટ્રનિર્માણના સંકલ્પ સાથે જોડવાના પ્રયાસની પ્રશંસા કરી હતી.
આ પ્રસંગે ખેતી બેંકના પદાધિકારીઓ, ડિરેક્ટરો, અધિકારીઓ, કર્મચારીઓ, સહકારી ક્ષેત્રના અગ્રણીઓ તથા મોટી સંખ્યામાં ભક્તો ઉપસ્થિત રહ્યા હતા.
“ખેતી બેંકના રાજા”ના આશીર્વાદ સાથે –
ખેડૂત સમૃદ્ધ બને, ગુજરાત સમૃદ્ધ બને અને ભારત વિકસિત બને.
