ડભોઇના કાજીવાડથી રાણા હોટલ સુધી ધૂળની ડમરીઓથી નગરજનો ત્રાહિમામ: નગરપાલિકાનું સફાઈ મશીન પણ બંધ હાલતમાં, શરદી-ખાંસીના કેસો વધ્યા
કેપિટલ મેસેજ
Capital message
ડભોઇ નગરમાં કાજીવાડ વિસ્તારથી લઈને રાણાની હોટલ સુધીના મુખ્ય માર્ગ પર છેલ્લા ઘણા સમયથી ધૂળની ભારે ડમરીઓ ઊડી રહી છે, જેના કારણે સ્થાનિક રહીશો અને ત્યાંથી પસાર થતા રાહદારીઓનું જીવવું મુશ્કેલ બની ગયું છે. નગરપાલિકા તંત્રની ઘોર બેદરકારી અને નિષ્ક્રિયતાના લીધે લોકોએ સતત પ્રદૂષણ અને આરોગ્ય સંબંધિત સમસ્યાઓનો સામનો કરવો પડી રહ્યો છે મોં પર રૂમાલ બાંધીને નીકળવા લોકો મજબૂર આ માર્ગ પરથી પસાર થતી વખતે એટલા મોટા પ્રમાણમાં ધૂળની ડમરીઓ ઊડે છે કે વાહનચાલકો અને રાહદારીઓએ મોં પર રૂમાલ કે માસ્ક બાંધીને જ નીકળવું પડે છે. રસ્તા પર ધૂળના થર જામી ગયા હોવાથી પાછળ આવતા વાહનોને આગળનો રસ્તો પણ બરાબર દેખાતો નથી, જેથી અકસ્માત સર્જાવાનો ભય સતત તોળાતો રહે છે આરોગ્ય સામે મોટો ખતરો: શરદી અને ખાંસીના કેસોમાં વધારો
More Read
હવામાં સતત ઊડતી ધૂળને કારણે આ વિસ્તારમાં રહેતા લોકો ખાસ કરીને નાના બાળકો અને વૃદ્ધોમાં શરદી, ખાંસી તેમજ શ્વાસ સંબંધિત તકલીફોના કિસ્સામાં ભારે વધારો નોંધાયો છે. આ વિસ્તારના વેપારીઓ પણ પોતાની દુકાનોમાં ધૂળ ભરાઈ જવાથી પરેશાન થઈ ઊઠ્યા છે લાખો રૂપિયાનું સફાઈ મશીન શોભાના ગાંઠિયા સમાન
ડભોઇ નગરપાલિકા દ્વારા રસ્તા પરથી ધૂળ સાફ કરવા માટે લાખો રૂપિયાના ખર્ચે રોડ સ્વીપર મશીન લાવવામાં આવ્યું હતું, પરંતુ યોગ્ય જાળવણીના અભાવે આ મશીન પણ હાલ બગડેલી હાલતમાં ધૂળ ખાઈ રહ્યું છે. કરોડોના બજેટ ધરાવતી નગરપાલિકા મશીનનું સમારકામ કરાવવાની કે નિયમિત સફાઈ કરવાની તસ્દી લેતી નથી, જેના લીધે પ્રજાના નાણાંનો વેડફાટ થતો જોવા મળે છે.
More Read
સત્તાધીશો સામે જનઆક્રોશ: તાકીદે સફાઈની માગ સ્થાનિક નગરજનો અને રાહદારીઓમાં નગરપાલિકાના વહીવટી તંત્ર અને ચૂંટાયેલા સત્તાધીશો સામે ભારે રોષ જોવા મળી રહ્યો છે. લોકોની માંગ છે કે કાજીવાડથી રાણા હોટલ સુધીના આ રોડ પરથી તાત્કાલિક ધોરણે ધૂળ દૂર કરવામાં આવે અને નિયમિત પાણીનો છંટકાવ તેમજ સફાઈ કરાવવામાં આવે. જો વહેલી તકે આ સમસ્યાનું નિરાકરણ નહીં આવે તો સ્થાનિકો દ્વારા નગરજનોની માંગ છે હવે જોવાનું એ રહે છે કે કુંભકર્ણની નિંદ્રામાં પોઢેલું પાલિકા તંત્ર ક્યારે જાગે છે અને લોકોને આ ધૂળના સામ્રાજ્યમાંથી મુક્તિ અપાવે છે.
રિપોર્ટ :- ફઝલ રઝાક ખત્રી, ડભોઈ
