ગાજદિનપુરાના ભીમનાથ મહાદેવ મંદિરે 1101 દીવડાઓ સાથે ભવ્ય મહાઆરતી
વડાપ્રધાન નરેન્દ્રભાઈ મોદીના જન્મદિવસ નિમિત્તે ‘સેવા સંકલ્પ અભિયાન’ અંતર્ગત ધાર્મિક કાર્યક્રમ યોજાયો
કેપિટલ મેસેજ
More Read
Capital message
પાટણ જિલ્લાના સમી તાલુકાના ગાજદિનપુરા ગામ ખાતે આવેલા ભીમનાથ મહાદેવ મંદિરે વડાપ્રધાન નરેન્દ્રભાઈ મોદીના જન્મદિવસ નિમિત્તે ‘સેવા સંકલ્પ અભિયાન’ અંતર્ગત 1101 દીવડાઓ સાથે ભવ્ય મહાઆરતીનું આયોજન કરવામાં આવ્યું હતું. મહાઆરતી દરમિયાન મંદિર પરિસર 1101 દીવડાઓના પ્રકાશથી ઝળહળી ઉઠ્યું હતું અને સમગ્ર વાતાવરણ ભક્તિમય બન્યું હતું.
આ પ્રસંગે સમી તાલુકા વિકાસ અધિકારી ધવલભાઈ લીમ્બચિયા, સમી તાલુકા પ્રમુખ અનિલભાઈ હેરમા, સમી તાલુકા ભાજપ પ્રમુખ દિનેશભાઈ દેસાઈ, પાટણ શિક્ષણ સમિતિના ચેરમેન દિલીપજી ઠાકોર, દિલીપજી કનીજ સીટના ડેલિગેટ પોપટજી ઠાકોર, સમી તાલુકા ભાજપ મહામંત્રી મહેશ વ્યાસ, બક્ષીપંચ મોરચાના મંત્રી તુલસીભાઈ તેમજ સમી પોલીસ સ્ટેશનના પી.આઈ. એ.પી. જાડેજા સહિત આગેવાનો, મહાનુભાવો અને મોટી સંખ્યામાં ભક્તો ઉપસ્થિત રહ્યા હતા.
મહાઆરતી દરમિયાન ઉપસ્થિત ભક્તોએ ભગવાન ભીમનાથ મહાદેવના દર્શન કરી આરતીનો લાભ લીધો હતો. વડાપ્રધાન નરેન્દ્રભાઈ મોદીના જન્મદિવસ નિમિત્તે યોજાયેલા આ ધાર્મિક કાર્યક્રમમાં શ્રદ્ધા, ભક્તિ અને ઉત્સાહનો માહોલ જોવા મળ્યો હતો. 1101 દીવડાઓ સાથે યોજાયેલી ભવ્ય મહાઆરતીથી સમગ્ર મંદિર પરિસર દિવ્ય પ્રકાશથી ઝળહળી ઉઠ્યું હતું અને કાર્યક્રમ ભક્તિમય વાતાવરણમાં સંપન્ન થયો હતો.
રિપોર્ટ. અનિલ રામાનુજ પાટણ
