ડભોઈ શહેર અને પંથકમાં હનુમાન જયંતિની ધામધૂમથી ઉજવણી ઠેર-ઠેર હવન, પૂજા અને ધાર્મિક કાર્યક્રમો યોજાયા
કેપિટલ મેસેજ, ન્યુઝ
ડભોઈ સમગ્ર દેશની સાથે ડભોઈ શહેર અને તાલુકામાં પણ હનુમાન જયંતિ પર્વની ભક્તિસભર માહોલમાં ભવ્ય ઉજવણી કરવામાં આવી હતી. વહેલી સવારથી જ જય શ્રી રામ અને ‘જય હનુમાન’ના નાદ સાથે મંદિરો ગુંજી ઉઠ્યા હતા અને ભક્તોનું ઘોડાપૂર ઉમટ્યું હતું.
શહેરના લાલ બજારમાં હવન અને પૂજાનું આયોજન ડભોઈ શહેરના હાર્દ સમાન લાલ બજાર વિસ્તારમાં હનુમાન જયંતિ નિમિત્તે વિશેષ પૂજા અને ભવ્ય હવનનું આયોજન કરવામાં આવ્યું હતું. શાસ્ત્રોક્ત વિધિ મુજબ યોજાયેલા આ હવનમાં મોટી સંખ્યામાં શ્રદ્ધાળુઓએ આહુતિ આપી દર્શનનો લાભ લીધો હતો. ભક્તો દ્વારા દાદાને તેલ, સિંદૂર અને આંકડાની માળા અર્પણ કરી સુખ-શાંતિની પ્રાર્થના કરવામાં આવી હતી.
More Read
તાલુકાના મંદિરોમાં પણ ભક્તિનો અનોખો સંગમ માત્ર શહેરમાં જ નહીં, પરંતુ ડભોઈ તાલુકાના ગ્રામ્ય વિસ્તારોમાં પણ ભારે ઉત્સાહ જોવા મળ્યો હતો પારીખા-સાઠોડ રોડ અહીં આવેલા હનુમાનજીના મંદિરે વહેલી સવારથી જ શ્રદ્ધાળુઓની લાંબી કતારો જોવા મળી હતી. અહીં વિવિધ ધાર્મિક અનુષ્ઠાનો અને વિશેષ શણગાર કરવામાં આવ્યો હતો.
વેગા ગામ: વેગા ખાતે પણ હનુમાન જયંતિ નિમિત્તે વિવિધ કાર્યક્રમો અને હવનનું સુંદર આયોજન થયું હતું. આસપાસનાગામડાઓના લોકોએ પણ અહીં મોટી સંખ્યામાં હાજરી આપી હતી.લોકોમાં અનેરો ઉત્સાહ
સમગ્ર ડભોઈ પંથકમાં હનુમાન જયંતિના પર્વને લઈ ભક્તોમાં ભારે ઉત્સાહ જોવા મળ્યો હતો. અનેક જગ્યાએ મારુતિ યજ્ઞ, સુંદરકાંડના પાઠ અને હનુમાન ચાલીસાના સમૂહ ગાન કરવામાં આવ્યા હતા. મોડી સાંજ સુધી મંદિરોમાં પ્રસાદ વિતરણ અને ભજન-કીર્તનના કાર્યક્રમોથી વાતાવરણ ભક્તિમય બની ગયું હતું.
રિપોર્ટ : ફઝલ રઝાક ખત્રી, ડભોઈ
