પાટણ સીટી એ-ડિવિઝન પોલીસ સ્ટેશનમાં મહિલા હેલ્પ ડેસ્ક સેન્ટરનો પ્રારંભ
મહિલાઓની સમસ્યાઓના નિરાકરણ અને પારિવારિક વિવાદોના સુખદ સમાધાન માટે બનશે મદદરૂપ
કેપિટલ મેસેજ
More Read
Capital message
31, October, 2026
પાટણ: બનાસકાંઠા રેન્જના આઈ.જી. પરીક્ષિતા રાઠોડ તથા પાટણ જિલ્લા પોલીસ અધિક્ષક વી.કે. નાઈના માર્ગદર્શન હેઠળ પાટણ સીટી એ-ડિવિઝન પોલીસ સ્ટેશન ખાતે આજ રોજ ‘મહિલા હેલ્પ ડેસ્ક સેન્ટર’નો પ્રારંભ કરવામાં આવ્યો હતો. આ સેન્ટરનું ઉદ્ઘાટન યોગીનીબેન વ્યાસ અને સંધ્યાબેન પ્રધાનના હસ્તે રિબીન કાપીને કરવામાં આવ્યું હતું.
More Read
મહિલાઓને સામાજિક, પારિવારિક તેમજ શારીરિક અને માનસિક સમસ્યાઓના કિસ્સાઓમાં યોગ્ય માર્ગદર્શન અને સહાય મળી રહે તે હેતુથી આ સેન્ટર શરૂ કરવામાં આવ્યું છે. ખાસ કરીને ઘરેલુ હિંસા, પતિ-પત્ની વચ્ચેના વિવાદો તથા IPCની કલમ 498A જેવા કાયદાકીય મુદ્દાઓને લગતી સમસ્યાઓમાં પીડિત મહિલાઓને સાંભળીને યોગ્ય માર્ગદર્શન આપવા અને તેમના પ્રશ્નોના નિરાકરણ માટે જરૂરી કાર્યવાહી કરવામાં આ સેન્ટર મદદરૂપ બનશે.
આ પ્રસંગે એ-ડિવિઝન પોલીસ ઇન્સ્પેક્ટર કે.જે. ભોંયેએ જણાવ્યું હતું કે, પતિ-પત્ની વચ્ચે થતા ગૃહક્લેશ અને પારિવારિક ઝઘડાઓમાં સુખદ સમાધાન કરાવવામાં મહિલા હેલ્પ ડેસ્ક સેન્ટર મહત્ત્વની ભૂમિકા ભજવશે. મહિલાઓની સમસ્યાઓને સંવેદનશીલતાથી સાંભળીને તેમના પ્રશ્નોનો યોગ્ય ઉકેલ લાવવા માટે આ સેન્ટર આશીર્વાદરૂપ સાબિત થશે.
મહિલાઓને મુશ્કેલીના સમયે યોગ્ય સહાય, માર્ગદર્શન અને પોતાની વાત રજૂ કરવા માટે એક વિશ્વાસપાત્ર માધ્યમ મળી રહે તે દિશામાં પાટણ પોલીસ દ્વારા શરૂ કરવામાં આવેલી આ પહેલ મહત્ત્વપૂર્ણ બની રહેશે.
More Read
રિપોર્ટ: રાજેશ જાદવ, પાટણ
