નમી ગયેલા વીજ વાયરો વચ્ચે જીવના જોખમે ખેતી કરતા ખેડૂતો
ડભોઇ તાલુકાના તરસાણા વસઈ વચ્ચે ખેતરોમાં નમી ગયેલા વીજ વાયરો માણસને અડી જાય એવા વીજ વાયરો જીવના જોખમે ખેતી કરતા ખેડૂત
કેપિટલ મેસેજ, ન્યુઝ
Capital message
ડભોઇ MGVCLની ઘોર બેદરકારી, તરસાણા વસઈ વચ્ચે ખેતરમાં મોતના ફાંદા જેવા લટકતા વીજ વાયરો કોઈ મોટી દુર્ઘટના થશે ત્યારે જ તંત્ર જાગશે ખેડૂતોની વારંવારની રજૂઆત છતાં અધિકારીઓ ઘોર નિદ્રામાં.
ડભોઇ તાલુકાના તરસાણાથી વસઈ વચ્ચે આવેલી ખેતીની જમીનોમાં અત્યારે ભયનું વાતાવરણ જોવા મળી રહ્યું છે. MGVCL (મધ્ય ગુજરાત વીજ કંપની લિમિટેડ) ની ઘોર બેદરકારીના કારણે ખેડૂતોના જીવ જોખમમાં મુકાયા છે.
તરસાણા મુકામે આવેલા સર્વે નંબર 84 વાળી જમીનમાં ટ્યુબવેલ આવેલો છે, જ્યાં વીજ કંપનીના થાંભલાઓ અને ટ્રાન્સફોર્મર ભયજનક રીતે નમી ગયા છે
નમી ગયેલા થાંભલા: વીજ થાંભલાઓ અને ટ્રાન્સફોર્મર પાયામાંથી નમી જતાં ગમે ત્યારે પડી જવાની દહેશત છે લટકતા વીજ વાયર થાંભલા નમી જવાને કારણે હાઈવોલ્ટેજ વીજ વાયરો ખેતરમાં છેક નીચે સુધી લટકી રહ્યા છે ખેતીકામમાં અવરોધ: વાયરો નીચે હોવાને કારણે ખેડૂતોને ખેતરમાં મજૂરી કરવી કે ટ્રેક્ટર ચલાવવું અશક્ય બન્યું છે અમે MGVCLના અધિકારીઓને અનેકવાર મૌખિક અને લેખિત રજૂઆત કરી છે. આજે ફરી પત્ર લખીને જાણ કરી હોવા છતાં કોઈ અધિકારી સ્થળ તપાસ કરવા પણ તૈયાર નથી. શું તંત્ર કોઈ મોટી જાનહાનિની રાહ જોઈ રહ્યું છે વારંવારની રજૂઆત છતાં અધિકારીઓ કેમ આંખ આડા કાન કરી રહ્યા છે જો કોઈ પશુ કે માણસ આ લટકતા વાયરોની અડફેટે આવશે અને જાનહાનિ થશે, તો તેની જવાબદારી કોણ લેશે હાલ તો તરસાણાના ખેડૂતોમાં ભારે રોષ જોવા મળી રહ્યો છે અને ગ્રામજનોમાં ચર્ચા છે કે જો વહેલી તકે આ થાંભલા સીધા કરી વાયરો ઊંચા લેવામાં નહીં આવ તો ઉચ્ચ કક્ષાએ ઉગ્ર રજૂઆત કરવામાં આવશે.ડભોઇ અપડેટ: તરસાણા-વસઈ વચ્ચે વીજ કંપનીની બેદરકારી તરસાણાના સર્વે નં. 84 માં MGVCLના થાંભલા અને ટ્રાન્સફોર્મર નમી ગયા છે. વીજ વાયરો ખેતરમાં લટકી રહ્યા છે, જે મોટી દુર્ઘટનાને આમંત્રણ આપી રહ્યા છે.
વારંવારની લેખિત રજૂઆત છતાં અધિકારીઓ મૌન! ખેડૂતોના જીવ જોખમમાં…
રિપોર્ટ :- ફઝલ રઝાક ખત્રી, ડભોઈ
