ડભોઇની નાંદોદી ભાગોળ આંગણવાડી ખાતે આંગણ મિલન સેવા સપ્તાહ’નો પ્રારંભ: બાળકો, કિશોરીઓ અને આંગણવાડી કાર્યકરોનું કરાશે સન્માન
કેપિટલ મેસેજ
Capital message
ડભોઇ નાંદોદી ભાગોળ પાસે આવેલા આંગણવાડી કેન્દ્રો પર ‘આંગણ મિલન સેવા ૨૦૨૬’ અંતર્ગત ૭ દિવસીય વિશેષ સપ્તાહની ઉત્સાહભેર ઉજવણી શરૂ કરવામાં આવી છે. દેશભરના તમામ આંગણવાડી કેન્દ્રો પર યોજાનારા આ કાર્યક્રમનો મુખ્ય ઉદ્દેશ્ય બાળકો, કિશોરીઓ તથા સગર્ભા માતાઓને પ્રોત્સાહિત કરવાનો તેમજ સ્વાસ્થ્ય અને પોષણ અંગે વ્યાપક જાગૃતિ લાવવાનો છે.મુખ્યમંત્રીશ્રીનો સંદેશ અને વાલી સંવાદ વડાપ્રધાન શ્રી નરેન્દ્રભાઈ મોદીના ‘સુપોષિત ભારત’ અને મહિલાઓમાં નેતૃત્વ વિકાસના વિઝનને સાકાર કરવાના ભાગરૂપે માનનીય મુખ્યમંત્રીશ્રી દ્વારા કિશોરીઓ અને માતાઓ માટે વિશેષ પ્રેરક સંદેશ પાઠવવામાં આવ્યો હતો.
આ પ્રસંગે ઉપસ્થિત મહેમાનો દ્વારા વાલીઓ સાથે સીધો સંવાદ સાધીને સરકારી યોજનાઓથી મળતા લાભો અંગે તેમના પ્રતિભાવો મેળવવામાં આવ્યા હતા.સપ્તાહ દરમિયાન યોજાનારા મુખ્ય આકર્ષણો તંદુરસ્ત બાળ સ્પર્ધા: આંગણવાડીમાં તંદુરસ્ત બાળ સ્પર્ધા’નું આયોજન કરાશે જેમાં ઉત્તમ વજન ધરાવતા અને તમામ રસીકરણ પૂર્ણ થયેલા શ્રેષ્ઠ ૩ બાળકોને ઇનામ આપી પ્રોત્સાહિત કરવામાં આવશે કિશોરીઓનું બહુમાન: ઉત્તમ સ્વાસ્થ્ય, યોગ્ય વજન અને પૂરતું હિમોગ્લોબિન ધરાવતી ૨ તેજસ્વી કિશોરીઓને પ્રોત્સાહનરૂપે ઇનામ એનાયત થશે કાર્યકરોનું સન્માન આંગણવાડીમાં સતત નિષ્ઠાપૂર્વક સેવા બજાવતી કાર્યકર બહેનો, તેડાગર બહેનો અને આશા વર્કર્સને પ્રશસ્તિપત્ર આપી વિશેષ સન્માન અપાશે.
પૌષ્ટિક આહાર વિતરણ: કાર્યક્રમ દરમિયાન ઉપસ્થિત તમામ બાળકોને સુખડી તેમજ તાજા ફળોનું વિતરણ કરવામાં આવશે.
આ સમગ્ર આયોજનમા આંગણવાડીના સીડફી આપો હીનાબેન માલવી મહિલા મોરચાના સભ્યો, ગામના સરપંચ તથા કોર્પોરેટર સહિતના સ્થાનિક અગ્રણીઓ ઉપસ્થિત રહી બાળકો અને બહેનોનો ઉત્સાહ વધારશે.
રિપોર્ટ :- ફઝલ રઝાક ખત્રી, ડભોઈ
