ટપાલ સેવાઓને લગતી ફરિયાદોના નિવારણ માટે પાટણમાં તા.૨૬ ઓક્ટોબરે ડાક અદાલત યોજાશે

ટપાલ સેવાઓને લગતી ફરિયાદોના નિવારણ માટે પાટણમાં તા.૨૬ ઓક્ટોબરે ડાક અદાલત યોજાશે

સ્પીડ પોસ્ટથી લઈને બચત ખાતા સુધીની ફરિયાદોનું નિરાકરણ લાવવા ડાક અદાલતનું આયોજન

કેપિટલ મેસેજ 

Capital message

More Read

ડભોઇ શહેર અને તાલુકા કોંગ્રેસ દ્વારા ડભોઇ સેવા સદન ખાતે પ્રાંત અધિકારીને આવેદનપત્ર અપાયો

રાધનપુરના ગણેશ પેટ્રોલિયમના ડીઝલની ગુણવત્તા સામે સવાલો, ગ્રાહકની રજૂઆત બાદ તપાસની ચર્ચા

ભગવતી ઇન્ટરનેશનલ પબ્લિક સ્કૂલમાં ‘થનગનાટ 4.0’ની ભવ્ય ઉજવણી, ભક્તિ અને સંસ્કૃતિના રંગે રંગાયા બાળગરબૈયાઓ

ઘરેથી તૈયાર થતાં કેડિયા અને ચણિયા-ચોળીને સ્વદેશી મેળામાં મળી નવી ઓળખ

પાટણ પોસ્ટલ વિભાગ દ્વારા ગ્રાહકોની ફરિયાદોનું ઝડપી, પારદર્શક અને સંતોષકારક નિરાકરણ લાવવાના હેતુથી તા.૨૬ ઓક્ટોબર, ૨૦૨૬ના સોમવારે સવારે ૧૧:૩૦ કલાકે પાટણ વિભાગીય પોસ્ટલ કચેરી ખાતે ઓક્ટોબર માસની ડાક અદાલતનું આયોજન કરવામાં આવ્યું છે.

આ ડાક અદાલતમાં સ્પીડ પોસ્ટ, રજિસ્ટર્ડ પોસ્ટ, પાર્સલ, મની ઓર્ડર, પોસ્ટલ લાઇફ ઇન્શ્યોરન્સ (PLI), રૂરલ પોસ્ટલ લાઇફ ઇન્શ્યોરન્સ (RPLI), બચત બેંક ખાતા, સુકન્યા સમૃદ્ધિ યોજના, વરિષ્ઠ નાગરિક બચત યોજના (SCSS), માસિક આવક યોજના (MIS), ટાઇમ ડિપોઝિટ (TD), રિકરિંગ ડિપોઝિટ (RD), નેશનલ સેવિંગ્સ સર્ટિફિકેટ (NSC), કિસાન વિકાસ પત્ર (KVP), આધાર સેવાઓ, ઇન્ડિયા પોસ્ટ પેમેન્ટ્સ બેંક (IPPB), એટીએમ/ડેબિટ કાર્ડ, મોબાઇલ બેન્કિંગ, AEPS સહિતની વિવિધ પોસ્ટલ સેવાઓને લગતા પ્રશ્નો અને ફરિયાદો રજૂ કરી શકાશે.

આ ઉપરાંત, ટપાલના વિલંબ, ગુમ થયેલા અથવા નુકસાનગ્રસ્ત લેખો, વળતર, ખાતાના વ્યવહારો, વ્યાજ, ખાતા ટ્રાન્સફર, નામાંકન, PLI/RPLIના દાવા તથા IPPBને લગતી ફરિયાદોનો પણ સમાવેશ કરવામાં આવશે.

More Read

સ્વદેશી અપનાવો, સ્થાનિક કારીગરોને પ્રોત્સાહન આપો: ડભોઇમાં મેળાનું ઉદ્ઘાટન!

મીડિયાના અહેવાલનો ધારદાર પડઘો ડભોઈ-વેગા માર્ગ પર ‘સફેદ પટ્ટા’ દોરવાનું ભૂલેલું તંત્ર માત્ર ૧૦૦ કલાકમાં દોડતું થયું

પાટણની પદ્મનાથ સોસાયટીના શિવ બંગ્લોઝમાં લોકડાયરાનું આયોજન

ડભોઇના 14 ગામના ખેડૂતોનો પાવરગ્રીડ કંપની સામે મોરચો

ફરિયાદી ગ્રાહકોએ પોતાની ફરિયાદ સંપૂર્ણ વિગતો સાથે લેખિતમાં રજૂ કરવાની રહેશે. જેમાં પોતાનું નામ, સરનામું, મોબાઇલ નંબર, સંબંધિત પોસ્ટ ઓફિસનું નામ, ફરિયાદની વિગતવાર અરજી તેમજ અગાઉ કરવામાં આવેલા પત્રવ્યવહારની નકલો સામેલ કરવાની રહેશે. આવી ફરિયાદો તા.૨૨ ઓક્ટોબર, ૨૦૨૬ સુધીમાં નિર્ધારિત સરનામે મોકલી આપવાની રહેશે.

પાટણ પોસ્ટલ વિભાગ દ્વારા ગ્રાહકલક્ષી સેવાઓને વધુ અસરકારક બનાવવા અને ગ્રાહકોની સમસ્યાઓનું સમયબદ્ધ નિરાકરણ લાવવા માટે આ ડાક અદાલતનું આયોજન કરવામાં આવ્યું છે. આથી તમામ ગ્રાહકો, બચત ખાતાધારકો અને વીમાધારકોને પોતાની ટપાલ સેવાઓ સંબંધિત ફરિયાદોના નિરાકરણ માટે આ તકનો લાભ લેવા અનુરોધ કરવામાં આવ્યો છે.

આ અંગે સુપ્રિટેન્ડેન્ટ ઓફ પોસ્ટ ઓફિસીઝ, પાટણ ડિવિઝન, પાટણ-૩૮૪૨૬૫ દ્વારા અખબારી યાદીમાં જણાવાયું છે.