પાટણ ભાજપ કાર્યાલય ખાતે પીએમ કિસાન ઉત્સવ અને રાષ્ટ્રીય એકતા દિવસની ઉજવણી અંગે બેઠક યોજાઇ
કેપિટલ મેસેજ
Capital message
29, October, 2026
More Read
પાટણ: પાટણ જિલ્લા ભાજપ કાર્યાલય ખાતે 30 ઓક્ટોમ્બરે પીએમ કિસાન ઉત્સવ દિવસ અને 31મી એ રાષ્ટ્રીય એકતા દિવસની ભવ્ય ઉજવણીના ભાગરૂપે જિલ્લા ભાજપ પ્રમુખ રમેશભાઈ સિંધવના અધ્યક્ષસ્થાને યોજાયેલી આ બેઠકમાં આ બન્ને દિવસના કાર્યક્રમોને સફળ બનાવવા અંગે વિગતવાર ચર્ચા-વિચારણા હાથ ધરાઈ હતી.
આ બેઠકમાં પાટણ જિલ્લા પ્રભારી મંત્રી સ્વરૂપજી ઠાકોર વિશેષ ઉપસ્થિત રહ્યા હતા અને તેમણે કાર્યક્રમોના આયોજન અંગે જરૂરી માર્ગદર્શન પૂરું પાડ્યું હતું.તેમજ દરેક જિલ્લા પંચાયત સીટ દીઠ બે કાર્યક્રમ યોજવાનું આયોજન કર્યું હતું.આ પ્રસંગે જિલ્લા પંચાયત પ્રમુખ ભાવિકભાઈ પટેલ,મહામંત્રીઓ સંજયભાઈ પટેલ, લાલજીભાઈ દેસાઈ તથા બાબુજી ઠાકોર સહિત સંગઠનના હોદ્દેદારો અને કાર્યકરો મોટી સંખ્યામાં હાજર રહ્યા હતા.આ બેઠક દરમિયાન બન્ને દિવસ આગામી કાર્યક્રમોમાં પાટણ જિલ્લાના મહત્તમ નાગરિકો અને ખેડૂતો ભાગ લે તે માટે કાર્યકરોને જવાબદારી સોંપવામાં આવી હતી. પ્રભારી મંત્રીએ કાર્યકરોને ઉત્સાહપૂર્વક જોડાઈને આ રાષ્ટ્રીય ઉજવણીઓને સફળ બનાવવા આહ્વાન કર્યું હતું.
રિપોર્ટ: રાજેશ જાદવ, પાટણ
