રાધનપુર ખાતે જિલ્લા લઘુમતી મોરચાની ટિફિન બેઠક યોજાઈ
સંગઠન અને બુથ સ્તરે પક્ષને વધુ મજબૂત બનાવવા હોદ્દેદારો અને કાર્યકર્તાઓએ કરી ચર્ચા-ભાજપના લઘુમતી મોરચાના હોદ્દેદારો, નગરપાલિકાના પ્રતિનિધિઓ અને કાર્યકર્તાઓની ઉપસ્થિતિમાં બેઠક યોજાઈ
કેપિટલ મેસેજ
Capital message
25, October, 2026
રાધનપુર, પાટણ: રાધનપુર શહેર ખાતે ભારતીય જનતા પાર્ટીના જિલ્લા લઘુમતી મોરચા દ્વારા ટિફિન બેઠકનું આયોજન કરવામાં આવ્યું હતું. સંગઠનને વધુ મજબૂત બનાવવા તેમજ બુથ સ્તરે પક્ષની કામગીરીને વેગ આપવા માટે યોજાયેલી આ બેઠકમાં જિલ્લા લઘુમતી મોરચાના હોદ્દેદારો, શહેર ભાજપ સંગઠનના પદાધિકારીઓ, નગરપાલિકાના પ્રતિનિધિઓ અને કાર્યકર્તાઓ ઉપસ્થિત રહ્યા હતા.
બેઠકમાં જિલ્લા લઘુમતી મોરચાના પ્રમુખ જાવેદખાન પઠાણ, મહામંત્રી શાહિદખાન પઠાણ, મહામંત્રી ઇમરાનભાઈ ઘાંચી, ઉપપ્રમુખ મુજાહિદખાન ઠેબા, પ્રદેશના પૂર્વ આમંત્રિત કારોબારી સભ્ય ઈસુબા મલેક, પૂર્વ કોર્પોરેટર રહેમાનભાઈ ઘાંચી, રાધનપુર શહેર ભાજપના ઉપપ્રમુખ કાંતિભાઈ નાઈ, મહામંત્રી નરેશભાઈ બારોટ, રાધનપુર શહેર યુવા મોરચાના પ્રમુખ ભરતભાઈ ભરવાડ, શહેર લઘુમતી મોરચાના પ્રમુખ રફીકભાઈ ઘાંચી તેમજ રાધનપુર નગરપાલિકાની બાંધકામ સમિતિના ચેરમેન ગુલામ રસુલભાઈ સહિતના આગેવાનો હાજર રહ્યા હતા.
આ ઉપરાંત નગરપાલિકાના કોર્પોરેટરો, ભાજપના વિવિધ સંગઠનના પદાધિકારીઓ અને કાર્યકર્તાઓએ પણ બેઠકમાં ભાગ લીધો હતો. ટિફિન બેઠકના માધ્યમથી સંગઠનના હોદ્દેદારો અને કાર્યકર્તાઓએ સાથે મળીને સંગઠનાત્મક કામગીરી અંગે ચર્ચા કરી હતી. પક્ષના સંગઠનને વધુ મજબૂત બનાવવા, બુથ સ્તરે કાર્યકર્તાઓની સક્રિયતા વધારવા અને પક્ષની કામગીરીને જનતા સુધી પહોંચાડવા પર ભાર મૂકવામાં આવ્યો હતો.
રાધનપુર ખાતે યોજાયેલી આ બેઠક સંગઠનના હોદ્દેદારો અને કાર્યકર્તાઓ વચ્ચે સંકલન વધારવા તેમજ બુથ સ્તરે સંગઠનને વધુ સક્રિય અને મજબૂત બનાવવાના હેતુથી યોજાઈ હતી.
રિપોર્ટ. અનિલ રામાનુજ પાટણ
