ડભોઇ રેલવે સ્ટેશન પર સુરક્ષાનો અભાવ: ૪૫ ફૂટ ઊંચે મજૂરોના જીવ જોખમમાં!
ડભોઇ રેલવે સ્ટેશન પર ગંભીર બેદરકારી: ૪૫ ફૂટ ઊંચી પાણીની ટાંકી પર સુરક્ષા સાધનો વિના જીવના જોખમે મજૂરો પાસે કામ કરાવતો કોન્ટ્રાક્ટર તંત્ર ઘોર નિંદ્રામાં
કેપિટલ મેસેજ
More Read
Capital capital
ડભોઇ રેલવે સ્ટેશન પરિસરમાં આવેલી પીવાના પાણીની વિશાળ ટાંકીના સમારકામ અને કલરકામ દરમિયાન શ્રમિકોની સુરક્ષાને લઈને એક અત્યંત ચોંકાવનારો કિસ્સો સામે આવ્યો છે. આશરે ૪૦ થી ૪૫ ફૂટની જોખમી ઊંચાઈ ધરાવતી ટાંકી પર કોઈપણ જાતના સુરક્ષા સાધનો (સેફ્ટી ઇક્વિપમેન્ટ્સ) વિના જ મજૂરો જીવના જોખમે કામ કરતા નજરે પડ્યા છે. આ દ્રશ્યોએ સ્થાનિક વહીવટી તંત્ર અને રેલવેના જવાબદાર અધિકારીઓની કામગીરી સામે ગંભીર સવાલો ઊભા કર્યા છે.
સુરક્ષાના નિયમો નેવે મૂકાયા
More Read
ડભોઇ રેલવે સ્ટેશન પાસે આવેલી પીવાના પાણીની ટાંકીનું મેન્ટેનન્સ, રિપેરિંગ અને કલરકામ ચાલી રહ્યું છે. નિયમ મુજબ ઊંચાઈ પર કામ કરતી વખતે શ્રમિકો માટે સેફ્ટી બેલ્ટ, હેલ્મેટ, સ્પેશિયલ શૂઝ અને સેફ્ટી નેટ જેવી મૂળભૂત બાબતો અનિવાર્ય હોય છે. જોકે અહીં કોન્ટ્રાક્ટર દ્વારા તમામ સુરક્ષા ધારાધોરણો નેવે મૂકી દેવામાં આવ્યા છે. શ્રમિકો હેલ્મેટ, જેકેટ કે સુરક્ષા દોરડા વગર જ ૪૫ ફૂટની ઊંચાઈ પર જોખમી રીતે કામ કરી રહ્યા છે, જ્યાં પગ લપસતા જ સીધું મોત નીપજી શકે તેમ છેઅકસ્માત સર્જાશે તો જવાબદાર કોણ રાજ્યભરમાં ઊંચાઈ પર કામ કરતી વખતે પડી જવાના અને શ્રમિકોના મોત નીપજવાના બનાવો વારંવાર સામે આવતા રહે છે. આમ છતાં, ડભોઇ ખાતે આટલી મોટી બેદરકારી સામે તંત્ર કેમ આંખ આડા કાન કરી રહ્યું છે તે સમજાતું નથી. સામાન્ય રીતે ટેન્ડર આપ્યા પછી અધિકારીઓ કે સુપરવાઇઝરો સ્થળ તપાસ કરવાનું પણ મુનાસિબ સમજતા નથી. કોન્ટ્રાક્ટર પોતાનો નફો રળવા માટે ગરીબ મજૂરોના જીવ સાથે ખુલ્લેઆમ રમત રમી રહ્યો છે. જો અહીં કોઈ મોટી દુર્ઘટના ઘટે કે જાનહાનિ થાય, તો તેનો જવાબદાર કોણ રહેશે અધિકારીઓ કાર્યવાહી કરશે કે આંખ આડા કાન
કામ સોંપી દીધા પછી કોન્ટ્રાક્ટર કે રેલવે તંત્ર દ્વારા સાઇટ પર કોઈ પ્રકારની દેખરેખ રાખવામાં આવતી નથી. મજૂરોની લાચારીનો ગેરલાભ ઉઠાવીને તેમને જોખમમાં ધકેલવામાં આવી રહ્યા છે. હવે જોવાનું એ રહે છે કે આ બાબત સામે આવ્યા બાદ રેલવે તંત્ર અને ઉચ્ચ અધિકારીઓ સંબંધિત કોન્ટ્રાક્ટર સામે કોઈ કડક પગલાં ભરી દંડ ફટકારશે, કે પછી કોઈ મોટી જાનહાનિની રાહ જોઈને આવી જ ‘લોલમલોલ’ ચાલતી રહેશે.
રિપોર્ટ :- ફઝલ રઝાક ખત્રી, ડભોઈ
