ડભોઈ નગરપાલિકા ચૂંટણી: ભાજપમાં ટિકિટ માટે ‘મહાભારત’, 36 બેઠકો માટે 160 દાવેદારો મેદાનમાં
કેપિટલ મેસેજ, ન્યુઝ
ડભોઈમાં સ્થાનિક સ્વરાજની ચૂંટણીનો રણશિંગુ ફૂંકાઈ ચૂક્યું છે. નગરપાલિકાની કુલ 36 બેઠકો પર કબજો કરવા માટે રાજકીય પક્ષોએ તૈયારીઓ તેજ કરી દીધી છે, પરંતુ સૌથી વધુ રસાકસી શાસક પક્ષ ભાજપમાં જોવા મળી રહી છેઆંકડાકીય વિગત: ટિકિટ લેવા માટે પડાપડી ભાજપના ગઢ ગણાતા ડભોઈમાં આ વખતે કાર્યકર્તાઓનો ભારે ઉત્સાહ જોવા મળ્યો છે. કરજણ ખાતે યોજાયેલા બે દિવસીય ‘સેન્સ’ કાર્યક્રમમાં દાવેદારોનો રાફડો ફાટ્યો હતો:
કુલ વોર્ડ: 9
કુલ બેઠકો: 36
કુલ દાવેદારો: 160
સરેરાશ: દરેક વોર્ડમાં અંદાજે 17 લોકો વચ્ચે સ્પર્ધા હોટ સ્પોટ: વોર્ડ નં-7 માં સૌથી વધુ દાવેદારોએ ટિકિટની માંગ કરી છે. જુના જોગીઓ કે નવા ચહેરાહવે સૌથી મોટો સવાલ એ છે કે પક્ષ કોના પર પસંદગીનો કળશ ઢોળશે? નગરમાં ચર્ચા છે કે:
More Read
લોબિંગ શરૂ: વર્તમાન નગરસેવકો પોતાની ટિકિટ બચાવવા માટે અને ફરી તક મેળવવા માટે એડીચોટીનું જોર લગાવી રહ્યા છે.
નો-રિપીટ થીયરીનો ફાળકો: શું ભાજપ અગાઉની જેમ ‘નો-રિપીટ’ થીયરી અપનાવીને જુના ચહેરાઓના પત્તા કાપશેયુવા લોહી: સંગઠન દ્વારા નવા અને શિક્ષિત ચહેરાઓને પ્રાધાન્ય આપવામાં આવે તેવી શક્યતા પણ નકારી શકાતી નથી.વોર્ડ નં-7 માં ભારે ઘસારો
ડભોઈના રાજકારણમાં વોર્ડ નં-7 હંમેશા કેન્દ્રસ્થાને રહ્યો છે. આ વખતે અહીં ટિકિટ મેળવવા માટે સૌથી વધુ પડાપડી જોવા મળી છે, જે દર્શાવે છે કે આ વિસ્તારમાં જીતની શક્યતાઓ વધુ હોવાનું દાવેદારો માની રહ્યા છે ડભોઈ ભાજપમાં અત્યારે “કોને મળશે ટિકિટ અને કોનું કપાશે પત્તું?” તે બાબતે ભારે સસ્પેન્સ સર્જાયું છે. આગામી દિવસોમાં જ્યારે હાઈકમાન્ડ નામોની જાહેરાત કરશે, ત્યારે પક્ષમાં અસંતોષ ઊભો થાય છે કે શિસ્ત જળવાઈ રહે છે, તે જોવું રસપ્રદ રહેશે.
રિપોર્ટ : ફઝલ રઝાક ખત્રી, ડભોઈ
