જિલ્લા અદાલત પાટણ સંકુલમાં આયુર્વેદ ઓ.પી.ડી.નો પ્રારંભ
દર બુધવારે સવારે ૧૦:૩૦ થી બપોરે ૧:૩૦ વાગ્યા સુધી આયુર્વેદિક આરોગ્ય માર્ગદર્શન અને સારવારનો લાભ મળશે
કેપિટલ મેસેજ
Capital message
More Read
પાટણ જિલ્લા અદાલતના સંકુલમાં ન્યાયિક અધિકારીઓ, અદાલતના કર્મચારીઓ, વિદ્વાન વકીલશ્રીઓ તેમજ અદાલત પરિસરમાં આવતા પક્ષકારોના આરોગ્ય અને સુખાકારીને ધ્યાનમાં રાખી આયુર્વેદિક આરોગ્ય સેવાઓ ઉપલબ્ધ કરાવવાના હેતુથી આયુર્વેદ ઓ.પી.ડી.નો પ્રારંભ કરવામાં આવ્યો છે.
મુખ્ય જિલ્લા ન્યાયાધીશ, પાટણ તથા નિયામક, આયુષની કચેરી, ગાંધીનગરની મંજૂરીથી શરૂ કરવામાં આવેલી આ આયુર્વેદ ઓ.પી.ડી.નું આજે મુખ્ય જિલ્લા ન્યાયાધીશ તથા જિલ્લા આયુર્વેદ અધિકારીના હસ્તે રીબન કાપી તથા દીપ પ્રાગટ્ય કરીને શુભ ઉદ્ઘાટન કરવામાં આવ્યું હતું.
જિલ્લા અદાલત સંકુલ ખાતે શરૂ થયેલી આ આયુર્વેદ ઓ.પી.ડી. દર બુધવારે સવારે ૧૦:૩૦ થી બપોરે ૧:૩૦ વાગ્યા સુધી કાર્યરત રહેશે. આ ઓ.પી.ડી.ના માધ્યમથી અદાલત સાથે સંકળાયેલા ન્યાયિક અધિકારીઓ, કર્મચારીઓ, વકીલશ્રીઓ તેમજ પક્ષકારોને આયુર્વેદિક આરોગ્ય સલાહ, માર્ગદર્શન તથા જરૂરી સારવારનો લાભ મળી રહેશે.
આ પ્રસંગે મુખ્ય જિલ્લા ન્યાયાધીશ, જિલ્લા ન્યાયાધીશઓ, રજીસ્ટ્રારઓ, વિદ્વાન વકીલઓ તથા અદાલતના કર્મચારીઓ ઉપસ્થિત રહ્યા હતા. ઉપરાંત જિલ્લા આયુર્વેદ અધિકારી ડૉ. વર્ષા બી. પટેલ, મેડિકલ ઓફિસર ડૉ. ગૌરાંગ વ્યાસ, ડૉ. હિતેન્દ્રસિંહ રાજપૂત અને ડૉ. સિદ્ધાર્થ નાયક ઉપસ્થિત રહ્યા હતા.
આ પ્રસંગે જિલ્લા આયુર્વેદ અધિકારી ડૉ. વર્ષા બી. પટેલ દ્વારા આયુર્વેદના પ્રયોજન તેમજ પથ્ય-અપથ્ય અંગે ઉપસ્થિતોને માર્ગદર્શન આપવામાં આવ્યું હતું. તેમણે સ્વસ્થ જીવનશૈલી માટે આયુર્વેદના મહત્વ પર પ્રકાશ પાડતાં જણાવ્યું હતું કે, “સ્વસ્થ જીવન માટે આયુર્વેદ શ્રેષ્ઠ વિકલ્પ છે.
