મોહરમ પર્વ નજીક, ડભોઇમાં આકર્ષક તાજિયા તૈયાર
ડભોઇ શહેર અને તાલુકામાં મોહરમ પર્વની તૈયારીઓ પૂરજોશમાં આકર્ષક અને કલાત્મક તાજિયા નિર્માણને આખરી ઓપ
કેપિટલ મેસેજ,ન્યુઝ
Capital message
ડભોઇ આકાશમાં મોહરમનો પહેલો ચાંદ દેખાતાં જ ઇસ્લામિક હિજરી નવા વર્ષનો ભવ્ય પ્રારંભ થઈ ચૂક્યો છે. ઇસ્લામિક કેલેન્ડરના પ્રથમ પવિત્ર મહિના એવા મોહરમને લઈને ડભોઇ શહેર સહિત સમગ્ર તાલુકામાં મુસ્લિમ બિરાદરો દ્વારા ધર્મ અને આસ્થા સાથે તયારીઓ શરૂ કરી દેવામાં આવી છે. ખાસ કરીને હઝરત ઇમામ હુસૈનની યાદમાં બેસાડવામાં આવતા પરંપરાગત તાજિયા બનાવવાની કામગીરી અત્યારે સ્થાનિક મુસ્લિમ વિસ્તારોમાં પૂરજોશમાં ચાલી રહી છે દર વર્ષે અવનવી અને કલાત્મક ડિઝાઇનોનું આકર્ષણ ડભોઇ હંમેશાં તેની કોમી એકતા અને કલાત્મક તાજિયા માટે જાણીતું રહ્યું છે દર વર્ષની જેમ આ વર્ષે પણ મુસ્લિમ બિરાદરો દ્વારા અવનવી, ભવ્ય અને અત્યંત ઝીણવટભરી કોતરણીવાળી કલાત્મક ડિઝાઇનો સાથેના તાજિયા તૈયાર કરવામાં આવી રહ્યા છે
સ્થાનિક કારીગરો દ્વારા રાત દિવસ એક કરીને તાજિયાના બનાવવાનું અને રોશનીના શણગારને આખરી ઓપ આપવામાં આવી રહ્યો છે જેને નિહાળવા માટે લોકોમાં ભારે ઉત્સુકતા જોવા મળી રહી છે.
ડભોઈ શહેરના આ મુખ્ય 10 થી 12 વિસ્તારોમાં બેસાડાશે તાજિયા આ વર્ષે ડભોઇ શહેરના વિવિધ વિસ્તારોમાં આશરે 10 થી 12 જેટલી મુખ્ય જગ્યાઓ પર ભવ્ય તાજિયા સ્થાપિત કરવામાં આવશે. જેમાં મુખ્યત્વે નીચેના વિસ્તારોનો સમાવેશ થાય છે કડિયાવાડ સુંદરકુવા મેજિસ્ટિક ટોકીઝ વિસ્તાર તળાવપુરા વિભાભાઈ સ્કૂલ પાસેનવાપુરા બદરૂદ્દીન મોહલ્લો ઇદગાહ જનતાનગર વિસ્તાર આ સિવાય અન્ય આસપાસના વિસ્તારોમાં પણ નાના-મોટા તાજિયાઓની સ્થાપના કરવામાં આવશે ધાર્મિક કાર્યક્રમો અને જુલૂસનું આયોજન મોહરમના પવિત્ર દસ દિવસ દરમિયાન ડભોઇના તમામ મુસ્લિમ મહોલ્લાઓમાં હઝરત ઇમામ હુસૈનના બલિદાનને યાદ કરતા ધાર્મિક પ્રવચનો (વાઝ) નું આયોજન કરવામાં આવ્યું છે મોહરમના 9 મા ચાંદની રાત્રે એટલે કે કતલની રાતે’ તમામ તાજિયા પોતપોતા ના નિર્ધારિત સ્થળોએ ચોક પર લોકોના દર્શનાર્થે મૂકવામાં આવશે. ત્યારબાદ, તેના 10 માં ચાંદ દિવસે ભવ્ય પરંપરાગત તાજિયા જુલૂસ કાઢવામાં આવશે.
રિપોર્ટ :- ફઝલ રઝાક ખત્રી, ડભોઇ
