રાધનપુરમાં નિઃશુલ્ક E-KYC કેમ્પને મળ્યો જંગી પ્રતિસાદ: મોહસીને આઝમ મિશન અને ઘાંચી યુવા ટીમના સંયુક્ત ઉપક્રમે સેંકડો લાભાર્થીઓને મળી સહાય
કેપિટલ મેસેજ, ન્યુઝ
Capital message
રાધનપુર ખાતે મોહસીને આઝમ મિશન અને ઘાંચી યુવા ટીમના સંયુક્ત ઉપક્રમે આયોજિત નિઃશુલ્ક E-KYC કેમ્પ સફળતાપૂર્વક સંપન્ન થયો હતો. સરકારની વિવિધ પેન્શન યોજનાઓનો લાભ મેળવનારા લાભાર્થીઓ માટે હયાતીની ઓનલાઈન ખાતરી (E-KYC) ફરજિયાત હોવાને કારણે આ કેમ્પનું આયોજન ખાસ જનહિતને ધ્યાનમાં રાખીને કરવામાં આવ્યું હતું.
More Read
કેમ્પ દરમિયાન મોટી સંખ્યામાં લાભાર્થીઓએ હાજરી આપી પોતાની E-KYC પ્રક્રિયા પૂર્ણ કરાવી હતી. સાથે જ જરૂરી દસ્તાવેજો, ફોર્મ ભરવાની પ્રક્રિયા અને KYC સંબંધિત માર્ગદર્શન તથા સહાય સેવાઓ પણ નિઃશુલ્ક પૂરી પાડવામાં આવી હતી. જેના કારણે અનેક વૃદ્ધો, દિવ્યાંગો અને જરૂરિયાતમંદ નાગરિકોને સીધો લાભ મળ્યો હતો.આયોજકોના જણાવ્યા અનુસાર સરકારની પેન્શન યોજનાઓનો લાભ કોઈપણ પાત્ર લાભાર્થીથી વંચિત ન રહે અને માત્ર E-KYCના અભાવે પેન્શન બંધ ન થાય તેવા ઉદ્દેશ્ય સાથે કેમ્પનું આયોજન કરવામાં આવ્યું હતું. કેમ્પ દરમિયાન સ્વયંસેવકો દ્વારા લાભાર્થીઓને સરળ અને ઝડપી સેવા ઉપલબ્ધ કરાવવામાં આવી હતી.
આ સફળ આયોજન માટે મોહસીને આઝમ મિશન દ્વારા ઘાંચી યુવા ટીમના તમામ કાર્યકરો, સ્વયંસેવકો તેમજ ઈમરાનભાઈ પ્રમુખ, ફિરોજભાઈ બલોચ અને ફરહાત ગાંધીના સહયોગ અને યોગદાનની પ્રશંસા કરવામાં આવી હતી. આયોજકોએ જણાવ્યું હતું કે સમાજસેવાના આવા કાર્યોમાં યુવાનોની સક્રિય ભાગીદારી અને વડીલોનો આશીર્વાદ જ સફળતાની સાચી ચાવી છે.”યુવાનોની મહેનત, વડીલોના આશીર્વાદ”ના સૂત્ર સાથે યોજાયેલ આ કેમ્પ સમાજમાં સેવાભાવ અને જનકલ્યાણની ઉત્તમ ભાવનાનું પ્રેરણાદાયી ઉદાહરણ બન્યો હતો.
રિપોર્ટ. અનિલ રામાનુજ રાધનપુર, પાટણ
