ડભોઇમાં નિવૃત્ત સૈનિક મનીષભાઈ ચતુર્વેદીનું ભવ્ય સ્વાગત
ડભોઇના આંગણે દેશભક્તિનો ઉત્સવ: ૧૭ વર્ષની આર્મીમાં સેવા આપી નિવૃત્ત થયેલા મનીષભાઈ ચતુર્વેદીનું ભવ્ય સ્વાગત
કેપિટલ મેસેજ, ન્યુઝ
ડભોઇ માતૃભૂમિની રક્ષા કાજે જીવનના અમૂલ્ય ૧૭ વર્ષ સમર્પિત કરનાર ડભોઇના પનોતા પુત્ર આજે જ્યારે વતન પરત ફર્યા, ત્યારે સમગ્ર નગર દેશભક્તિના રંગે રંગાયેલું જોવા મળ્યું હતું. ડભોઇ સ્થિત હરીહર આશ્રમના મહંત વિજય મહારાજના પૌત્ર અને મનીષભાઈ વિજય મહારાજ ચતુર્વેદીના સુપુત્ર, જેઓ ભારતીય સેનામાં છેલ્લા દોઢ દાયકાથી વધુ સમયથી પોતાની ફરજ બજાવી રહ્યા હતા, તેઓ આજે નિવૃત્ત થઈ સ્વગૃહે પધારતા તેમનું અદકેરું સન્માન કરવામાં આવ્યું હતું.ધારાસભ્ય અને આગેવાનો દ્વારા પુષ્પોથી વધામણાં ડભોઇ શિનોર ચોકડી અને સેવાસદન પાસે આયોજિત સ્વાગત સમારોહમાં લોકપ્રિય ધારાસભ્ય શૈલેષભાઈ મહેતા ખાસ ઉપસ્થિત રહ્યા હતા. તેમણે નિવૃત્ત જવાનને પુષ્પહાર પહેરાવી, કુમકુમ તિલક કરી ભાવભીનું સ્વાગત કર્યું હતું.
આ પ્રસંગે ધારાસભ્યએ જણાવ્યું હતું કે આપણા વિસ્તારનો યુવાન જ્યારે સરહદ પર દેશની રક્ષા કરીને ગૌરવભેર પરત ફરે છે, ત્યારે આખા ડભોઇ માટે તે દિવાળી જેવો પ્રસંગ બની જાય છે આ ગૌરવવંતા પ્રસંગે શહેરના અગ્રણીઓ અને મોટી સંખ્યામાં નગરજનો ઉમટી પડ્યા હતા, જેમાં મુખ્યત્વે:
શૈલેષભાઈ મહેતા: ધારાસભ્ય, ડભોઇ
બી.જે. બ્રહ્મભટ્ટ: વડોદરા જિલ્લા ભાજપ પ્રમુખ વિવેક મહેતા સઈદભાઈ લોટવાલા નગરપાલિકાના સભ્યો અને સામાજિક અગ્રણીઓ ૧૭ વર્ષનો સંઘર્ષ અને સેવા
મનીષભાઈ ચતુર્વેદીએ ભારતના અતિ દુર્ગમ અને સંવેદનશીલ વિસ્તારોમાં પોતાની ફરજ બજાવી છે. ૧૭ વર્ષની આ દીર્ઘકાલીન નોકરી દરમિયાન અનેક ઉતાર-ચઢાવ અને પડકારોનો સામનો કરવા છતાં, તેમણે અત્યંત ઈમાનદારી અને નિષ્ઠાપૂર્વક માતૃભૂમિની સેવા કરી છે.પરિવાર અને નગરમાં ખુશીનો માહોલ પોતાના પુત્ર અને પૌત્રને સુરક્ષિત અને ગૌરવ સાથે વતન પરત ફરેલા જોઈ મહંત વિજય મહારાજ અને સમગ્ર ચતુર્વેદી પરિવારની આંખોમાં હર્ષના આંસુ જોવા મળ્યા હતા. ડભોઇના નગરજનોએ ઢોલ-નગારાના તાલે અને પુષ્પવર્ષા સાથે જવાનને વધાવ્યા હતા. લોકોમાં એક જ સૂર હતો કે મનીષભાઈ ની આ સેવા આવનારી પેઢી માટે પ્રેરણારૂપ બનશે.
ગૌરવશાળી ક્ષણ: ડભોઇવાસીઓએ એક થઈને સાબિત કરી દીધું કે દેશની રક્ષા કરનાર જવાનનું સ્થાન દરેક નાગરિકના હૃદયમાં સર્વોપરી છે.
રિપોર્ટ : ફઝલ રઝાક ખત્રી, ડભોઈ
