પાટણ જિલ્લામાં LED લાઈટ બની અકસ્માત નુ કારણ જીવલેણ બની રહેલી તેજ LED લાઈટો વાહનોમાં ક્યારે થશે બંધ.
કેપિટલ મેસેજ, ન્યુઝ
સમી-બાસ્પા રોડ પર ટ્રક-બોલેરો અકસ્માતે ઊભા કર્યા ગંભીર પ્રશ્નો- રાત્રીના ઝગમગાટથી ડ્રાઈવરનું ધ્યાન ભંગ-વધતા અકસ્માતોને લઇ કડક પ્રતિબંધની માંગ તેજ
વાહનચાલકોમાં રોષ : નિયમ વિરુદ્ધ લાઈટો પર તંત્ર તાત્કાલિક કાર્યવાહી કરે તેવી માંગ
More Read
પાટણ જિલ્લામાં વધતી જતી અતિ તેજ LED હેડલાઈટો હવે સીધું જીવલેણ જોખમ સાબિત થઈ રહી છે. સમી તાલુકાના બાસ્પા ગામ નજીક ખોડિયાર હોટેલ પાસે રાત્રી સમયે બનેલા ગંભીર માર્ગ અકસ્માતે આ સમસ્યાને ફરી એકવાર ચર્ચાના કેન્દ્રમાં મૂકી દીધી છે.
સમી-બાસ્પા રોડ પર સામેથી આવતી ટ્રકની અડફેટે ખારી ભરેલી બોલેરો પીકઅપ અથડાતાં વાહનને ભારે નુકસાન થયું હતું. પ્રાથમિક માહિતી મુજબ ટ્રકમાં લગાવેલી અત્યંત તેજ LED લાઈટના ઝગમગાટથી બોલેરો વાહનના ડ્રાઈવરનું ધ્યાન ભંગ થતા અકસ્માત સર્જાયો હોવાનું સામે આવ્યું છે.
More Read
અકસ્માતનું મુખ્ય કારણ ચમકદાર LED પ્રકાશ
સ્થાનિક લોકો અને વાહનચાલકોના જણાવ્યા મુજબ આજકાલ મોટાભાગના ભારે વાહનોમાં નિયમ વિરુદ્ધ અત્યંત તેજ સફેદ LED લાઈટ લગાવવામાં આવે છે. રાત્રે સામે થી આવતી આ લાઈટ સીધી આંખમાં પડતાં ડ્રાઈવરને થોડી સેકન્ડ માટે કશું દેખાતું નથી અને એ જ ક્ષણ અકસ્માતનું કારણ બની જાય છે.
ખાસ કરીને ગ્રામ્ય માર્ગો અને રાજ્ય માર્ગો પર આ સમસ્યા વધુ ગંભીર બની રહી છે. સંકુચિત રસ્તાઓ, વળાંકો અને અંધારા વિસ્તારોમાં તેજ લાઈટ સીધું જાનલેણ જોખમ ઉભું કરે છે.
અકસ્માતો વધી રહ્યા છે જેનું મુખ્ય કારણ LED લાઈટ પ્રકાશ :
સ્થાનિકોના કહેવા મુજબ છેલ્લા સમયમાં પાટણ જિલ્લામાં રાત્રિના અકસ્માતોમાં વધારો નોંધાયો છે અને તેમાં મોટાભાગે અતિ તેજ લાઈટ મહત્વનું કારણ બનતી હોય છે.
ડ્રાઈવરોનું કહેવું છે કે
More Read
“સામેથી આવતી LED લાઈટથી રસ્તો જ દેખાતો નથી થોડા સેકન્ડ અંધારું છવાઈ જાય છે.”
નિયમ હોવા છતાં અમલ નહીં -પાટણ જિલ્લામાં અમલ ક્યારે.
મોટર વાહન નિયમો મુજબ વાહનમાં નિર્ધારિત ક્ષમતા કરતાં વધુ તેજ હેડલાઈટ, વધારાના પ્રોજેક્ટર, બ્લાસ્ટર અથવા હાઈ-ફોકસ LED લગાવવું ગેરકાયદેસર છે. તેમ છતાં ખુલ્લેઆમ આવી લાઈટો લગાડવામાં આવી રહી છે અને તેની સામે કોઈ અસરકારક કાર્યવાહી થતી નથી.
તંત્ર સામે માંગણીઓ:
સ્થાનિક વાહનચાલકો અને ગ્રામજનોએ તંત્ર સમક્ષ નીચે મુજબ માંગ ઉઠાવી છે-નિયમ વિરુદ્ધ LED લાઈટ ધરાવતા વાહનો સામે તાત્કાલિક દંડાત્મક કાર્યવાહી કરવામાં આવે તેમજ રાત્રિ પેટ્રોલિંગ દરમિયાન વિશેષ ડ્રાઈવ હાથ ધરી આવા વાહન ચાલકો સામે કડક કાર્યવાહી કરવામાં આવે.ગેરકાયદેસર લાઈટ સ્થળ પર જ ઉતરાવી જપ્ત કરવામાં આવે અને વારંવાર ભંગ કરનાર વાહનોનું રજીસ્ટ્રેશન સસ્પેન્ડ કરાય અને ગ્રામ્ય માર્ગો પર સુરક્ષા અભિયાન ચલાવવામાં આવે તેવી લોકમાંગ ઊઠી છે.
સુરક્ષા માટે જરૂરી પગલાં જો વિશેષજ્ઞોના મત મુજબ જોઈએ તો જો સમયસર કાર્યવાહી નહીં થાય તો આવી લાઈટો “મોબાઈલ અકસ્માત” સમાન જોખમ બની શકે છે. આંખ પર પડતો અચાનક તેજ પ્રકાશ ડ્રાઈવરનું રિએક્શન ટાઈમ ઘટાડે છે અને સીધું ટક્કરનું કારણ બને છે.
તંત્રની તાત્કાલિક જવાબદારી:
આ ઘટના માત્ર એક અકસ્માત નહીં પરંતુ માર્ગ સુરક્ષાનો ગંભીર એલાર્મ છે. માર્ગ સલામતી માટે LED હેડલાઈટના ગેરકાયદેસર ઉપયોગ પર કડક નિયંત્રણ હવે અનિવાર્ય બની ગયું છે. લોકો માંગ કરી રહ્યા છે કે પાટણ જિલ્લામાં વિશેષ અભિયાન ચલાવીને આવી લાઈટો સંપૂર્ણ બંધ કરાવવામાં આવે.હાલ તાજેતરમા સમી તાલુકામાં બનેલ અકસ્માત ઘટનામા અત્યંત તેજ LED લાઈટના ઝગમગાટથી બોલેરો વાહનના ડ્રાઈવરનું ધ્યાન ભંગ થતા અકસ્માત સર્જાયો હોવાનું સામે આવ્યું છે.
રિપોર્ટ : અનિલ રામાનુજ, રાધનપુર (પાટણ)
