ડભોઈ ખાતે ‘રન ફોર યુનિટી’નો ભવ્ય પ્રારંભ: ૫,૦૦૦થી વધુ નાગરિકો ઉત્સાહભેર જોડાયા
કેપિટલ મેસેજ
02/11/2026
Capital message
More Read
ડભોઈ અખંડ ભારતના શિલ્પી લોખંડી પુરુષ સરદાર વલ્લભભાઈ પટેલની જન્મજયંતિ ‘રાષ્ટ્રીય એકતા દિવસ’ નિમિત્તે ડભોઈ ખાતે એકતા માર્ચ (રન ફોર યુનિટી)નું ભવ્ય આયોજન કરવામાં આવ્યું હતું. આ કાર્યક્રમમાં રાજ્યના ગૃહ રાજ્યમંત્રી હર્ષ સંઘવીએ વિશેષ ઉપસ્થિત રહી એકતા માર્ચને લીલી ઝંડી આપી પ્રસ્થાન કરાવ્યું હતું.
વિશાળ જનમેદની સાથે નીકળી એકતા દોડ
More Read
ડભોઈના કોલેજ ગ્રાઉન્ડ ખાતેથી શરૂ થયેલી આ ‘રન ફોર યુનિટી’મા ગુજરાતના મુખ્યમંત્રી હર્ષદ સંઘવી ડભોઇના ધારાસભ્ય શૈલેષભાઈ મહેતા વડોદરા જિલ્લા પ્રમુખ બી જે બ્રહ્મભટ્ટ વડોદરા જિલ્લા ભાજપના અગ્રણી શશીકાંતભાઈ પટેલ યુવાનો, વિદ્યાર્થીઓ, સામાજિક અગ્રણીઓ અને સ્થાનિક નાગરિકો સહિત ૫,૦૦૦થી પણ વધુ લોકો ઉત્સાહપૂર્વક જોડાયા હતા. આ દોડ કોલેજ રોડથી શરૂ થઈને ઐતિહાસિક વડોદરી ભાગોળ સુધી પહોંચી હતી. આખો માર્ગ ‘ભારત માતા કી જય’ અને ‘સરદાર પટેલ અમર રહો’ના નારાઓથી ગૂંજી ઊઠ્યો હતો જેમણે દુનિયા પર રાજ કર્યું, તેઓ આજે સરદારને નમન કરે છે કાર્યક્રમને સંબોધતા હર્ષ સંઘવીએ જણાવ્યું હતું કે સરદાર સાહેબે જે અખંડ ભારતનું નિર્માણ કર્યું, તેની તાકાત આજે આખું વિશ્વ જોઈ રહ્યું છે. જેમણે એક સમયે આખી દુનિયા પર રાજ કર્યું હતું, તે જ દેશો અને લોકો આજે સરદાર વલ્લભભાઈ પટેલના ચરણોમાં નમન કરવા આવે છે તેમણે યુવા પેઢીને સરદાર પટેલના એકતા અને રાષ્ટ્રભક્તિના આદર્શોને જીવનમાં ઉતારવા આહ્વાન કર્યું હતું ડભોઈ ખાતે યુનિટી માર્ચને ફ્લેગ ઓફ કરાવ્યા બાદ હર્ષ સંઘવી વિશ્વની સૌથી ઊંચી પ્રતિમા ‘સ્ટેચ્યુ ઓફ યુનિટી’ (કેવડિયા) ખાતે યોજાનારા રાષ્ટ્રીય કક્ષાના કાર્યક્રમોમાં સહભાગી થવા માટે રવાના થયા હતા.
રિપોર્ટ :- ફઝલ રઝાક ખત્રી, ડભોઈ
