ડભોઇ-વડોદરા હાઇવે પર પલાસવાડા સીમમાં દિવ્યાંગ યુવકની સાંકળથી ગળે ટૂંપો આપી હત્યા: હરિયાણાના શખ્સ સામે ગુનો દાખલ
કેપિટલ મેસેજ
Capital message
ડભોઇ-વડોદરા હાઇવે રોડ પર આવેલા પલાસવાડા ગામની સીમમાં અલ્પદ્રષ્ટિ ધરાવતા એક યુવકની સાંકળ વડે ગળે ટૂંપો આપી હત્યા કરી તેનો મોબાઇલ લૂંટી લેવાની ચકચારી ઘટના સામે આવી છે. આ મામલે ડભોઇ પોલીસ મથકે હરિયાણાના શખ્સ વિરુદ્ધ હત્યા અને લૂંટ સહિતની કલમો હેઠળ ગુનો નોંધી વધુ તપાસ હાથ ધરવામાં આવી છે ટ્રેનમાં મિત્રતા કેળવી હત્યાને અંજામ આપ્યો
મહારાષ્ટ્રના નંદુરબાર જિલ્લાના અક્કલકુવા ખાતે રહેતા ૨૮ વર્ષીય દિવ્યાંગ (અલ્પદ્રષ્ટિ ધરાવતા) ફયાઝઅહેમદ મેહબુબઅહેમદ શેખ પેસેન્જર ટ્રેનના વિકલાંગ ડબ્બામાં મુસાફરી કરી રહ્યા હતા. તે દરમિયાન હરિયાણાના રોહતક જિલ્લાના મોખરા ખાસ ગામના રાહુલ ઉર્ફે ભોલુ કરમવીર જાટ નામના શખ્સે તેમની સાથે મિત્રતા કેળવી હતી.ત્યારબાદ આરોપી યુવકને વડોદરાથી ડભોઇ તરફ જતા નજીકના રેલવે સ્ટેશને ઉતારીને ડભોઇ-વડોદરા હાઇવે પર પલાસવાડા ગામની સીમમાં આવેલ સવિતા એસ્ટેટ સામેના એક ખુલ્લા પ્લોટમાં લઈ ગયો હતો. જ્યાં દિવાલ પાસે કોઈ કારણોસર આરોપીએ ફયાઝઅહેમદને સાંકળ વડે ગળે ટૂંપો આપી મોતને ઘાટ ઉતારી દીધો હતો અને તેનો મોબાઇલ ફોન લૂંટીને ફરાર થઈ ગયો હતો.ડભોઈ પોલીસ કાર્યવાહી
મૃતકના પિતા મેહબુબઅહેમદ ફતેહમહમદ શેખની ફરિયાદના આધારે ડભોઇ પોલીસે આરોપી રાહુલ ઉર્ફે ભોલુ સામે ભારતીય દંડ સંહિતા (IPC) ની કલમ ૩૦૨ અને ૩૯૭ મુજબ ગુનો દાખલ કર્યો છે. ડભોઇ પોલીસ ઇન્સ્પેક્ટર કે. જે. ઝાલાએ ગુનાની આગળની તપાસ શરૂ કરી છે.
રિપોર્ટ :- ફઝલ રઝાક ખત્રી, ડભોઈ
