ડભોઇમાં વરસાદી કાસના કામમાં લાખોના આંધણની આશંકા!
ડભોઇ નાદોદી ભાગોળ થી તિલકવાડા રોડ નર્મદા કેનાલ સુધી આડેધડ ચાલતું વરસાદી કાસનું કામ, લાખો ના આંધણની આશંકા લોકોમાં સેવાઈ રહી છે…
કેપિટલ મેસેજ
More Read
Capital message
ડભોઇના નાદોદી ભાગોળથી તિલકવાડા રોડ નર્મદા કેનાલ સુધીના માર્ગ પર હાલમાં રોડની બંને સાઈડ વરસાદી કાસ (ગટર) બનાવવાની કામગીરી ચાલી રહી છે. પરંતુ આ કામગીરીમાં સ્ટેટ હાઇવે વિભાગ અને કોન્ટ્રાક્ટરની ગંભીર બેદરકારી સામે આવતા સ્થાનિક લોકોમાં ભારે રોષ જોવા મળી રહ્યો છે. કોઈપણ જાતના ટેકનિકલ લેવલિંગ વગર થઈ રહેલા આ આડેધડ કામને કારણે ચોમાસામાં રોડ પર પાણી ભરાવાની અને કરોડો રૂપિયાનો ધુમાડો થવાની પૂરેપૂરી શક્યતાઓ વર્તાઈ રહી છે રોડના લેવલથી પણ ઊંચી કાસ બનાવી દેવાઈ સ્થાનિકોના જણાવ્યા અનુસાર, કોન્ટ્રાક્ટર દ્વારા રોડના સ્તર લેવલ ને ધ્યાનમાં રાખ્યા વગર જ વરસાદી કાસનું નિર્માણ કરવામાં આવી રહ્યું છે નવાઈની વાત એ છે કે આ વરસાદી કાસ રોડના લેવલ કરતાં પણ ઊંચી બનાવી દેવામાં આવી છે! જો કાસ જ રોડ કરતાં ઊંચી હશે, તો રોડ પરનું વરસાદી પાણી કાસમાં કેવી રીતે જશે આ ટેકનિકલ ખામીના કારણે આગામી સમયમાં સમગ્ર રોડ બેટમાં ફેરવાઈ જશે અને વાહનચાલકો તેમજ સ્થાનિકો માટે ભારે મુશ્કેલી ઊભી થશે પાણીના નિકાલની કોઈ વ્યવસ્થા જ નથી કરોડો રૂપિયા પાણીમાં જશે
કામગીરીમાં માત્ર દીવાલો ચણી દેવામાં આવી છે પરંતુ આ એકત્રિત થયેલા પાણીનો અંતિમ નિકાલ ક્યાં અને કેવી રીતે કરવામાં આવશે, તેની કોઈ ચોક્કસ યોજના કે વ્યવસ્થા દેખાતી નથી આ અગાઉ નાંદોદી ભાગોળ થી વેગા સુધી પાણીના નિકાલની રોડની બંને સાઇડ પર કાંસ બનાવવામાં આવી હતી જેમાં લાખો રૂપિયાનો ખર્ચ કરવા છતાં આ કાશ માંથી પાણી નો કોઈ નિકાલ દેખાતો ન હતો અને ઘણા સમય સુધી કોળી કટ રહી હતી અને ચોમાસા દરમિયાન આજુબાજુની સોસાયટીઓમાં પાણી ભરાવાના બનાવો બનતા રહ્યા હતા. આ અણઘડ આયોજનને જોઈને જનતામાં ચર્ચા જાગી છે કે સરકાર જનતાની સુવિધા માટે લાખો રૂપિયા ગ્રાન્ટ ફાળવે છે, પણ અધિકારીઓ અને કોન્ટ્રાક્ટરોની મિલીભગતથી લાખો રૂપિયા સીધા પાણીમાં જઈ રહ્યા હોય તેવું લાગી રહ્યું છે
અધિકારીઓ ગુલ્લીબાજ કોન્ટ્રાક્ટરની મનસ્વી કામગીરી નિયમ મુજબ જ્યારે પણ આટલો મોટો સરકારી પ્રોજેક્ટ ચાલતો હોય ત્યારે સ્ટેટ હાઇવે વિભાગના જવાબદાર ટેકનિકલ અધિકારીઓએ સ્થળ પર હાજર રહીને દેખરેખ રાખવાની હોય છે પરંતુ અહીં એક પણ અધિકારી ડોકાતા નથી અધિકારીઓની ગેરહાજરીનો પૂરેપૂરો ફાયદો ઉઠાવીને કોન્ટ્રાક્ટર પોતાની મનમાની ચલાવી રહ્યા છે અને અત્યંત તકલાદી નબળી ગુણવત્તાનું કામ કરી રહ્યા છે લોકોનો સવાલ જ્યાં જરૂર છે ત્યાં કેમ કામ નથી થતું
સ્થાનિક લોકોમાં એ વાતની પણ ઉગ્ર ચર્ચા છે કે જ્યાં ખરેખર વરસાદી પાણીના નિકાલની જરૂરિયાત છે ત્યાં તંત્ર દ્વારા કોઈ કામ કરવામાં આવતું નથી અને જ્યાં જરૂર નથી અથવા ઓછી જરૂર છે ત્યાં અધિકારીઓ આંખ આડા કાન કરીને ખોટા ખર્ચા કરાવી રહ્યા છે સ્થાનિક રહીશો અને વાહનચાલકોની માંગ છે કે સ્ટેટ હાઇવેના ઉચ્ચ અધિકારીઓ તાત્કાલિક સ્થળ તપાસ કરે કાસનું લેવલ રોડ કરતાં નીચું કરવામાં આવે જેથી પાણીનો યોગ્ય ભરાવો ન થાય અને નિકાલ થઈ શકે.
કોન્ટ્રાક્ટર દ્વારા કરાતા તકલાદી કામની તપાસ થાય અને અધિકારીઓની હાજરીમાં જ બાકીનું કામ પૂરું કરવામાં આવે જો સમય રહેતા તંત્ર ઊંઘમાંથી નહીં જાગે, તો આગામી ચોમાસામાં જવાબદારી લાગતા વળગતા વિભાગની રહેશે નુ રહીશો અને વાહન ચાલકોમાં ચર્ચા રહ્યું હતું.
રિપોર્ટ :- ફઝલ રઝાક ખત્રી, ડભોઈ
