કોંગ્રેસમાંથી ચૂંટાઈ જીતેલા રાધનપુર નગરપાલિકા વોર્ડ-2ના કોર્પોરેટર અને હાલના વિપક્ષના નેતાએ પદ પરથી રાજીનામું આપતાં રાજકારણ ગરમાયું.
કોંગ્રેસને આંતરિક ઝટકો : કોંગ્રેસના ટિકિટ પર જીતેલા વોર્ડ-2ના કોર્પોરેટર અને વિપક્ષના નેતાનું રાજીનામું
કેપિટલ મેસેજ, ન્યુઝ
કોંગ્રેસે ટિકિટ આપી જીતાડ્યા બાદ નગરપાલિકામાં મહત્વપૂર્ણ સ્થાન સુધી પહોંચાડેલા આગેવાને જ હવે વિપક્ષના પદ પરથી નારાજગી દર્શાવી રાજીનામું આપવું પક્ષ માટે મોટો આંતરિક ઝટકો ગણાઈ રહ્યો છે.
More Read
રાધનપુર નગરપાલિકા વોર્ડ-2માંથી કોંગ્રેસ પક્ષની ટિકિટ પર ચૂંટાઈ જીતેલા કોર્પોરેટર અને હાલના વિપક્ષના નેતાએ પોતાના પદ પરથી રાજીનામું આપી દેતાં રાજકીય વર્તુળોમાં ભારે ચર્ચા શરૂ થઈ છે. કોંગ્રેસે ટિકિટ આપી જીતાડ્યા બાદ નગરપાલિકામાં મહત્વપૂર્ણ સ્થાન સુધી પહોંચાડેલા આગેવાને જ હવે વિપક્ષના પદ પરથી નારાજગી દર્શાવી રાજીનામું આપવું પક્ષ માટે મોટો આંતરિક ઝટકો ગણાઈ રહ્યો છે.
કોંગ્રેસના આધાર અને સંગઠનના સમર્થનથી નગરપાલિકામાં પહોંચેલા આ આગેવાનને બાદમાં વિપક્ષના નેતા તરીકે જવાબદારી સોંપવામાં આવી હતી. પક્ષે તેમને ઉપર સુધી પહોંચાડવામાં મહત્વનો ફાળો આપ્યો હતો. તેમ છતાં હવે વિપક્ષના પદ પરથી રાજીનામું આપતાં કોંગ્રેસની આંતરિક એકતા અને નેતૃત્વ પર પ્રશ્નો ઊભા થયા છે.
સૂત્રો મુજબ સંગઠનાત્મક મતભેદો અને આંતરિક અસંતોષ આ નિર્ણય પાછળનું કારણ હોવાનું મનાઈ રહ્યું છે. ચૂંટણી પૂર્વે સર્જાયેલો આ વિકાસ કોંગ્રેસ માટે રાજકીય રીતે અસ્વસ્થ કરનાર માનવામાં આવી રહ્યો છે. નગરપાલિકાના રાજકારણમાં નવા સમીકરણો ઊભા થવાની શક્યતા વ્યક્ત થઈ રહી છે.
More Read
હાલ પક્ષના સત્તાવાર પ્રતિસાદની રાહ જોવાઈ રહી છે. આવનારા દિવસોમાં આ ઘટનાનો રાજકીય અસરકારક પડઘો કેવી રીતે પડે છે તે જોવું મહત્વપૂર્ણ રહેશે.
રિપોર્ટ : અનિલ રામાનુજ, રાધનપુર (પાટણ)
