જિલ્લા કલેક્ટર તુષાર ભટ્ટના અધ્યક્ષસ્થાને આવશ્યક પુરવઠા અંગે મહત્વપૂર્ણ બેઠક યોજાઈ

જિલ્લા કલેક્ટર તુષાર ભટ્ટના અધ્યક્ષસ્થાને આવશ્યક પુરવઠા અંગે મહત્વપૂર્ણ બેઠક યોજાઈ

આવશ્યક ચીજવસ્તુઓની અવિરત ઉપલબ્ધતા માટે પાટણ જિલ્લામાં કડક મોનીટરીંગ વ્યવસ્થા

પેટ્રોલ, PNG અને ખાદ્ય પદાર્થોની સપ્લાય સુનિશ્ચિત કરવા જિલ્લા સમિતિ સક્રિય

More Read

૧૫ વર્ષ પછી સંતાન સુખ, દંપતીના ઘરમાં ખુશીઓ

ડભોઇ શિનોર ચોકડી પાસે નર્મદા કેનાલ પર નાળાની કામગીરી ૫ મહિનાથી ખોરંભે વાહનચાલકોના જીવ જોખમમાં

પાટણ જિલ્લા ભાજપમાં સ્થાનિક સ્વરાજની જંગ માટે 2 અને 3 એપ્રિલે નિરીક્ષકો ઉમેદવારોનું ભાવિ ચકાસશે

જિલ્લા તાલુકા પંચાયત અને નગરપાલિકાની નિષ્પક્ષ ચૂંટણી માટે તંત્ર સજ્જ:અધિકારીઓને આપવામાં આવી તાલીમ

કેપિટલ મેસેજ, ન્યુઝ 

પાટણ જિલ્લા ખાતે પ્રવર્તમાન પરિસ્થિતિને ધ્યાનમાં રાખી પેટ્રોલિયમ ઉત્પાદનો, પાઇપ્ડ નેચરલ ગેસ (PNG) તેમજ આવશ્યક ખાદ્ય પદાર્થોની સપ્લાય ચેઇનમાં આવતી મુશ્કેલીઓને પહોંચી વળવા, તેમજ જથ્થાબંધ સંગ્રહ, કાળા બજાર અને અછત જેવી પરિસ્થિતિઓને અટકાવવા રાજ્ય સરકારએ જિલ્લા સ્તરીય સમિતિની રચના કરવાનો નિર્ણય લીધો છે.

આ અનુસંધાને પાટણ જિલ્લાના કલેક્ટરના અધ્યક્ષસ્થાને આજરોજ ન્યૂ કોન્ફરન્સ હોલ, કલેક્ટર કચેરી ખાતે જિલ્લા સમિતિની બેઠક યોજાઈ હતી. બેઠકમાં પેટ્રોલ, ડીઝલ, LPG, PNG, ખાદ્ય અનાજ, ખાતર અને જીવન જરૂરિયાતની ચીજવસ્તુઓની અવિરત ઉપલબ્ધતા સુનિશ્ચિત કરવા માટે વિસ્તૃત ચર્ચા કરવામાં આવી હતી.

More Read

રાધનપુરમાં ખુલ્લી ગટરો બની રહી છે મોતનો ખાડો

સમી નજીક રોડ પર ચાલતી કારમાં અચાનક આગ ભભૂકી-શોર્ટ સર્કિટથી કાર બળી ને ખાખ

ચાણસ્મામાં પત્રકાર એકતા પરિષદ દ્વારા જનસેવાનો અનોખો પ્રારંભ..

રાધનપુર માર્ગ પર બસ અધવચ્ચે બંધ પડતા ટ્રાફિક જામ, મુસાફરો હાલાકી ભોગવવા મજબૂર.

બેઠક દરમિયાન નિર્ણય લેવામાં આવ્યો કે પેટ્રોલ પંપ, ડીઝલ આઉટલેટ્સ, LPG/PNG સપ્લાય સિસ્ટમ, જાહેર વિતરણ પ્રણાલી (PDS), સરકારી ગોડાઉન, હોલસેલર્સ તેમજ જાહેર પરિવહન વ્યવસ્થાનું દૈનિક મોનીટરીંગ કરવામાં આવશે. દરેક વિભાગ દ્વારા દૈનિક સ્ટોક રિપોર્ટિંગ જિલ્લા સમિતિને આપવામાં આવશે.

જથ્થાબંધ સંગ્રહ, કાળાબજારી અને અફવા ફેલાવનારાઓ સામે કડક કાર્યવાહી હાથ ધરાશે. PDS અનાજનું યોગ્ય વિતરણ થાય અને નિયંત્રિત દરે આવશ્યક ચીજવસ્તુઓ ઉપલબ્ધ રહે તે માટે વિશેષ ધ્યાન રાખવામાં આવશે. હોસ્પિટલ, શૈક્ષણિક સંસ્થાઓ સહિતના અગત્યના ક્ષેત્રોમાં કોમર્શિયલ LPG/PNG ઉપલબ્ધ રહે તે માટે જરૂરી પગલાં લેવાશે.

જિલ્લામાં જરૂરીયાતમંદ નાગરિકોને પૂરતો પુરવઠો મળી રહે અને અનાવશ્યક ભીડ અથવા Panic Buying ન થાય તે માટે જનજાગૃતિ લાવવામાં આવશે. પેટ્રોલ, ડીઝલ તથા અન્ય આવશ્યક ચીજવસ્તુઓનો વિવેકપૂર્ણ ઉપયોગ કરવા નાગરિકોને પ્રોત્સાહિત કરવામાં આવશે.

દરેક જિલ્લામાં કંટ્રોલ રૂમ કાર્યરત રાખી રાજ્ય કક્ષાએ સમયસર રિપોર્ટિંગ કરવામાં આવશે. જિલ્લા વહીવટી તંત્ર દ્વારા વિવિધ માધ્યમોમાં પ્રસરી રહેલી ખોટી માહિતી અંગે જનતાને સતર્ક રાખવામાં આવશે તેમજ અધિકૃત માહિતી સમયાંતરે પ્રસિદ્ધ કરવામાં આવશે.

જિલ્લા કક્ષાની સમિતિ દ્વારા આ તમામ કામગીરી અંગે જિલ્લાના પ્રભારી સચિવને નિયમિત રીતે અવગત કરવામાં આવશે.

More Read

પી.પી.જી. એક્સપેરિમેન્ટલ હાઈસ્કૂલનું ગૌરવ..

પી.પી.જી. એકસપરીમેન્ટલ હાઇસ્કુલનો 50મો વાર્ષિકોત્સવ, શુભેચ્છા સન્માન કાર્યક્રમ તથા ઈનામ વિતરણ કાર્યક્રમ યોજાયો.

બહુચરાજી જતાં સંઘને નડ્યો ગમખ્વાર અકસ્માત: બે યુવકોના ઘટનાસ્થળે મોત

રાધનપુરમાં વિકાસના દાવા ખોખલા: વોર્ડ નં. 1માં ગંદકી, ગટર અને ગંદુ પાણીથી રહીશો ત્રસ્ત

બેઠકમાં જિલ્લા વિકાસ અધિકારી સી.એલ પટેલ, જિલ્લા પોલીસ અધિક્ષક વી. કે નાયી, જિલ્લા પુરવઠા અધિકારી હેમાંગિની ગુર્જર, જિલ્લા આરોગ્ય અધિકારી વિષ્ણુભાઈ પટેલ સહિત જિલ્લા સમિતિના સભ્યઓ અને અન્ય અધિકારી ગણ ઉપસ્થિત રહ્યા હતા.